Марко
Седумгодишната свиња по име Јагода (Strawberry) стана интернет сензација откако нејзините сопственици споделија видео на кое се гледа како се тетерави низ дворот откако се „почестила“ со пиво. По прославата на Денот на независноста, американски пар оставил неколку пива во гаражата, не очекувајќи дека љубопитната Јагода ќе ги најде и ќе ги испие.
На видео снимката, која има над два милиони прегледи на TikTok, се гледа како розовата свиња тетерави и се сопнува, а наоколу се разфрлани празни лименки од пиво. „Нашата свиња реши да се почести со пиво. Погледнете ја колку е пијана!“ – се смее сопственикот додека снима.
Урнебесни реакции на социјалните мрежи
Публиката на интернет брзо ја засака Јагода, оставајќи илјадници коментари во кои се восхитуваат на нејзиниот „журкаџиски“ дух. Сопствениците во шега изјавија дека Јагода се справува одлично со својата новооткриена слава и дека на следниот ден била во добра состојба.
Сопствениците ѝ понудиле обилен оброк, со вклучени омилени закуски како тортиља чипс и овошје, со што се увериле дека Јагода ќе се опорави по својата необична „забава“.
@mjaymgee We have had some leftover beers in the garage since Fourth of July and tonight Strawberry decided to ✨treat herself✨ to the rest of them 😂 #HAMmered
