Марко Ш.
Пејачката Џесика Симпсон и поранешниот НФЛ играч Ерик Џонсон, по 10 години брак и три деца, наводно се разделуваат. Иако нема официјална потврда, американските медиуми се преполни со гласини дека познатиот пар донел конечна одлука за крај на нивната заедница.
Гласините се засилија откако Ерик бил забележан без бурма, а извори за „Page Six“ откриваат дека веќе не присуствува заедно со Џесика на училишните настани на децата.
View this post on Instagram
„Претходно доаѓаа заедно или само Џесика, но сега Ерик доаѓа сам, што предизвика шпекулации кај другите родители,“ изјавил извор близок до парот.
Пејачката дополнително ги збунила своите обожаватели со мистериозна објава на Инстаграм, каде напишала дека „трпи работи кои не ги заслужува“. Таа исто така неодамна е фотографирана во јавност без својот венчален прстен.
Парот, кој се венчаше во 2014 година, има три деца – Максвел (12), Ејс (11) и Бирди (5). Според блиски извори, и двајцата се посветени на нивната благосостојба и прават сè за да ги заштитат од драмата што ги следи.
View this post on Instagram
Иако детали за причините за наводната разделба не се познати, странските медиуми пишуваат дека односите помеѓу Џесика и Ерик не се најдобри веќе некое време. Разводот би бил уште еден во низата од звучни разделби што ја одбележаа годината во Холивуд.
Фановите се надеваат на мирно решавање на ситуацијата, додека многумина споделуваат поддршка за Џесика преку социјалните мрежи.
