во

Првата македонска анимација со светска премиера на топ фестивал за фантастика

„Јон Вардар против галаксијата“ – првиот долгометражен анимиран филм од Македонија, се подготвува за својата светска премиера на еден од најпрестижните фестивали за фантастика – „Ситџес фантастик филм фестивал“ во Шпанија. Овој фестивал, кој многумина го нарекуваат „Кан за фантастични филмови“, е еден од најзначајните на светско ниво и оваа година ќе го одбележи своето 57-мо издание.

Филмот, режиран од Гоце Цветановски и продуциран од Алан Кастиљо и „Линкс студио“, ќе се прикаже во рамките на фамилијарната програма, со две проекции на 5 и 11 октомври. Ова е значајно достигнување за македонската кинематографија, која го прави својот прв исчекор во долгометражната анимација.

Уникатни Маици

Организаторите на фестивалот изразија задоволство од изборот на „Јон Вардар против галаксијата“, нагласувајќи дека тоа е првиот анимиран филм во историјата на Северна Македонија кој заслужил место на овој светски реномиран настан.

Режисерот Цветановски го истакна своето задоволство, додавајќи: „Голема чест е што нашиот филм е избран да биде дел од оваа престижна селекција. Ова е само почеток, и очекуваме уште многу успешни проекции низ светот.“

„Јон Вардар против галаксијата“ е забавна космичка авантура што ги следи перипетиите на еден несмасен човек и неговиот нарцисоиден робот, кои заедно со многу вонземјани ќе се обидат да ја спасат галаксијата од самите себеси. Арт директор на филмот е познатиот Михајло Димитриевски – Тхе Мичо, додека анимацијата ја води Димитар Ѓоргиев.

Филмот е создаден со поддршка од Агенцијата за филм на Северна Македонија, во копродукција со Унгарија, Бугарија и Хрватска. Покрај овој проект, Цветановски е познат и по својот ангажман во популарната детска серија „Сказните на Биби“, како и по неговиот успешен крими-трилер „Бизнисот на задоволството“, кој се закити со десет меѓународни награди.

Очекувањата за идните проекции на „Јон Вардар против галаксијата“ се големи, а филмот е веќе селектиран и за уште еден значаен фестивал, за кој деталите ќе бидат објавени наскоро.

Сподели:
Пролетен Попуст

Напишете коментар

Вашата адреса за е-пошта нема да биде објавена. Задолжителните полиња се означени со *

ДРАСТИЧЕН ПАД НА ТЕМПЕРАТУРАТА! Македонија на удар од силни дождови и студен бран!

Интернет ѕвездата „Success Kid“ стана полнолетен: Како изгледа денес?