Страхил Ф.
Педро Паскал, ѕвездата на хит-серијата „The Last of Us“, неодамна ги освои насловите низ светот со неговата изјава за Џенифер Анистон, искажувајќи огромна почит и приврзаност кон неа. На црвениот тепих од премиерата на втората сезона на серијата, Паскал призна дека „би направил сè“ за славната актерка.
Запрашан од репортерот на Access Hollywood дали би ја убедил Анистон да се приклучи кон „The Last of Us“, Паскал со насмевка одговори дека, напротив, тој би сакал да се појави во нејзината популарна серија „The Morning Show“, потенцирајќи дека тоа „не би било страшна работа“.
Исто така, Паскал нагласи дека Џенифер била значајна поддршка за него во периоди на „криза“, нарекувајќи ја личност која е секогаш тука кога е потребно, додавајќи: „Таа е таа личност. Таа е таа личност за сè. Навистина е“.
Во друго интервју, дадено за Entertainment Tonight, Паскал ги демантираше гласините за можна романтична врска со Анистон, објаснувајќи дека двајцата се многу добри пријатели кои неодамна уживале во забава исполнета со мартини.
Иако вечерта која ја поминале заедно ги поттикнала медиумите и фановите да шпекулираат за нешто повеќе од пријателство, извори блиски до актерите инсистираат дека меѓу нив има само цврсто и искрено пријателство.
