Рецепт за домашна Нутела: Повкусна и поздрава верзија од продавничката

Ако сте љубител на Нутела, но барате поздрава алтернатива, ова е рецептот кој ќе ве воодушеви! Домашната Нутела не само што е повкусна, туку и се подготвува за помалку од 30 минути со само неколку состојки.

Состојки:

• 300 гр лешници
• 2 лажици стопено кокосово масло
• 4 лажици јаворов сируп или друг природен засладувач
• 4 лажици незасладено какао
• 120 мл овесно или друго растително млеко
• малку сол

Подготовка:

– Загрејте ја рерната на 150°C и ставете ги лешниците на обложен плех со хартија за печење. Печете ги 15 минути.

– Отстранете ја кората од жешките лешници така што ќе ги триете со раце преку кујнска крпа. Ова е важно бидејќи кората дава горчлив вкус.

– Ставете ги лешниците во блендер и блендирајте додека не добиете мазна смеса.

– Стопете го кокосовото масло и измешајте го со јаворов сируп, какао, млеко и сол. Додадете ја оваа смеса во блендерот и измешајте повторно. Ако сакате потенок намаз, додадете уште 2 лажици млеко.

– Намазот ставете го во стаклена тегла и чувајте го во фрижидер.

Уживајте во овој повкусен и поздрав намаз, идеален за палачинки, тост или како слатко задоволство директно од теглата!