Страхил Ф.
Веста која денеска го обиколи регионот, а во која се тврдеше дека винарии од Бургундија користат македонско вино смедеревка и го продаваат како врвно шардоне по цена од 250 евра за шише, беше само првоаприлска шега.
Српскиот портал “VinoiFino” успешно ја изведе оваа шега, бидејќи многу медиуми од регионот ја пренесоа веста како вистинита.
Целта на оваа шега, како што објаснуваат од порталот, беше да се укаже на актуелните проблеми во винската индустрија.
Сепак, сите детали од веста се измислени. Не постојат винарии кои би се занимавале со такви нелегални практики, ниту пак реномираните куќи од Шабли и Монтраше би се впуштиле во ваков ризик.
Исто така, македонската смедеревка, колку и да е квалитетна, не може да го измами искусното непце на вински познавач и да помине како шардоне.
Дополнително, енологот Теле Репомаш, кој наводно работел за една од француските винарии, е фиктивен лик, исто како и винарската визба „Газда Ѓоко“ од Мрзенци, која беше спомената како извор на фалсификуваното вино. Целата вест е плод на имагинацијата на српскиот портал.
Во првично објавената вест се тврдеше дека винари од Бургундија, поради недостиг на сопствено вино, купувале смедеревка од винарската визба „Газда Ѓоко“ и по долежување во француски дабови буриња, ја продавале како шардоне.
Наводниот француски енолог дури и ги пофалил квалитетите на македонското вино. Сопственикот на винарската визба од Мрзенци, Ѓоко Трпески, наводно изјавил дека бил шокиран кога слушнал за високата цена по која се продавало неговото вино.
На крајот, сепак, се откри дека станува збор за првоаприлска шега. Се надеваме дека не поверувавте во оваа приказна! АПРИЛИЛИЛИ!
