Се буди на сред ноќ жената и гледа дека нејзиниот маж не е во креветот…

Се буди на сред ноќ жената и гледа дека нејзиниот маж не е во креветот. Станува и го наоѓа како седи во кујната со шолја кафе, замислено гледајќи во ѕидот пред себе.

– Зошто не спиеш, драги? Што не е во ред? – го прашува таа.

Тој ја погледнува и вели:

– Се присетувам како се запознавме пред 20 години и како почнавме да излегуваме заедно. Ти имаше 16 години. Се сеќаваш ли на тоа?

– Се разбира дека се сеќавам – тивко вели таа.

Сопругот воздивнува. Зборовите тешко излегуваат:

– Се сеќаваш ли кога татко ти не фати на задното седиште од мојот автомобил?

– Се разбира, драги – вели жената, седнувајќи на столот спроти него.

– А се сеќаваш ли кога ја впери пушката во моето лице и рече:

– ИЛИ ЌЕ ЈА ЖЕНИШ МОЈАТА ЌЕРКА ИЛИ ЌЕ ОДИШ ВО ЗАТВОР НА 20 ГОДИНИ?

– Се сеќавам и на тоа.

Мажот ја брише солзата што му се лизга по образот и вели:

– НА ДЕНЕШЕН ДЕН ЌЕ БЕА ПОМИНАТИ ТИЕ 20 ГОДИНИ!