Синот на Тијана Дапчевиќ тргна по нејзините стапки – гордоста на мајка му расте

Синот на познатата македонска пејачка и актерка Тијана Дапчевиќ, Вук, одлучи да зачекори во светот на музиката, но во поинаков правец од мајка му. Тијана за „Гранд“ изјави дека е бескрајно горда што Вук се докажува како млад музички професионалец и продуцент, со своја публика и забележлив успех.

„Се занимава со продукција и многу ми значи што знае што сака. Има свој профил на „Спотифај“, каде веќе стекна над милион слушатели,“ вели Тијана, истакнувајќи дека Вук, иако е млад, постигнува сериозни резултати и расте во музичките кругови.

Вук, кој неодамна доби покана за престижен фанк фестивал во Амстердам, се движи низ кругови каде неговиот талент е високо ценет. „Горда сум што ќе патувам со него и ќе го поддржам во она што го сака“, изјави Тијана, нагласувајќи ја радоста што нејзиниот син го избрал својот пат во музиката.