Спасувачка акција на Шар Планина: Моторциклист паднал во провалија и ја скршил ногата

Вчера се одвивала драматична спасувачка акција на Шар Планина, откако моторциклист паднал во провалија и ја скршил ногата. Според информациите од Центарот за управување со кризи, инцидентот се случил во 17:31 часот, на тешко пристапен терен кај „Мала Врата“ во близина на Црно Езеро.

Полицајци од караулата „Мазрача“ први реагирале и успеале да го извлечат повреденото лице од провалијата. Во 18:15 часот, моторциклистот бил пренесен до селото Ѓурѓевиште, каде што го чекала екипа на Итна медицинска помош од Гостивар, која го транспортирала до клиничката болница „Ферит Мурат“.

Состојбата на повредениот засега е стабилна, но со скршена нога, тој ќе продолжи со дополнителни медицински третмани.