Тајната е откриена: Дали бојата на кожата на Лилибет и Арчи е причината за бегството на Меган и Хари од кралството?

Принцот Хари и Меган ја напуштија монархијата поради бојата на кожата на нивните деца: Сите се прашуваа како всушност изгледаат нивните наследници, а ова е првата слика од нивната ќерка!

Уште пред неколку години, Меган Маркл алудираше на болната вистина дека нејзиниот син Арчи не добил принцовска титула ниту соодветна заштита поради бојата на неговата кожа, тема која го потресе светот и го отвори прашањето за расизмот во кралското семејство.

Војводата и војвотката од Сасекс, принцот Хари и Меган Маркл, по правило, ги чуваат своите деца далеку од љубопитните очи на јавноста. Но, по повод Меѓународниот ден на жената, тие споделија трогателна фотографија од нивната 3-годишна ќеркичка Лилибет, која слатко спие на градите на својот татко.

Покрај фотографијата, Меган напиша емотивна порака:

„Среќен меѓународен ден на жената! Им оддаваме почит на сите силни жени кои нè опкружуваат и на сите девојчиња кои сонуваат да станат жени со визија. Благодарност до сите оние кои нè бодрат и поддржуваат секојдневно.“

На фотографијата, малата црвенокоса Лилибет спокојно лежи на градите на принцот Хари, а Меган сподели и други интимни моменти, вклучувајќи фотографии од себе со нејзината мајка и со Хари на плажа.

Верните фанови на кралското семејство веднаш ја опсипаа фотографијата со коментари, восхитувајќи се на брзиот раст на Арчи и Лилибет.

Еден од нив напиша: „Погледнете само колку пораснаа Арчи и Лилибет! Какво прекрасно семејство!“

Особено внимание на социјалните мрежи привлече и впечатливата црвена коса на двете деца, што е редок генетски белег во кралското семејство.

Интервјуто-бомба кое го потресе кралството

Оваа идила доаѓа по интервјуто-бомба кое отуѓените сопружници го дадоа пред извесно време, кога за првпат јавно проговорија за нивната одлука да ја напуштат Велика Британија и да се откажат од кралските должности. Во тоа интервју, Меган Маркл откри дека одредени членови на кралското семејство изразиле загриженост за тоа колку темна ќе биде кожата на малиот Арчи по неговото раѓање, што јавноста го протолкува како расистички став.

„Хари ми ја пренесе таа загриженост“, се присети Меган со болка во гласот, но одби да открие имиња, за да ги заштити засегнатите членови на семејството од гневот на јавноста.

Меган тогаш навести дека нејзиниот син Арчи бил лишен од принцовска титула и кралска заштита токму поради неговата боја на кожа, што предизвика лавина од реакции и осуди.

Во интервјуто, Опра Винфри појасни дека според протоколите воспоставени во 1917 година од кралот Џорџ V, титули добиваат само децата и внуците на монархот, додека правнуците се исклучени од ова правило. Сепак, Меган и Хари го протолкуваа ова правило како дискриминаторско во нивниот случај.

Во времето на раѓањето на Арчи и Лилибет, тие беа правнуци на тогашната кралица Елизабета Втора.

Според извештаите на Мирор, втората сопруга на принцот Чарлс, Камила, во разговор со Хари во 2016 година, наводно изјавила дека би било „смешно“ доколку неговото неродено дете има „црвено афро“, што дополнително ги подгреа обвинувањата за расизам во кралското семејство.

Според актуелната линија на наследување, Арчи и Лилибет, кои живеат во Калифорнија со своите родители, сега се на шестото и седмото место во редот за британскиот трон. Пред нив се нивниот вујко, принцот Вилијам, и неговите три деца – Џорџ, Шарлот и Луис, а потоа и принцот Хари.