Тајните на почетокот на кариерата на Цеца Ражнатовиќ – цела ноќ броеле пари од првиот хонорар

Музичката кариера на Цеца Ражнатовиќ започна уште во нејзиното детство, со огромна страст за музиката и поддршка од семејството. Од првите настапи по околните села до првата сериозна турнеја на Црногорското приморје, Цеца ја градела кариерата со многу труд и посветеност.

На само 14 години, Цеца започнува да настапува пред поширока публика и токму тогаш го заработува својот прв поголем хонорар – 400.000 динари. Според татко ѝ, тие пари ги донеле дома во голем куфер и ја поминале цела ноќ броејќи ги, додека Цеца, скромна по природа, не задржала ниту еден динар од заработката.

Пресвртниот момент се случува кога композиторот Мирко Кодиќ ја забележува на настап во Црна Гора и препознава голем потенцијал во нејзиниот глас. Со дозвола од нејзините родители, ја носи во Белград, каде што потпишува професионален договор со ПГП РТС и започнува соработка со познатиот композитор Добривоје Доцо Иванковиќ. Од овој момент, Цеца влегува во светот на големите музички сцени и ја започнува својата патека кон балканската слава.

Со годините, Цеца успева да го одржи својот уникатен стил и да се приспособи на промените во музичката индустрија, градејќи статус на икона која и денес е незаобиколив дел од музичката сцена на Балканот.