„Тесла“ ја меша Месечината со жолто светло…

Од „Тесла“ неодамна соопштија дека секој корисник на нивните возила може да се претплати, од 99 до 199 долари месечно, за да го користи целосното автономно возење на автопилот, но изгледа дека новата можност доаѓа со неколку тешкотии. Неодамна еден возач на „тесла“ на „Твитер“ сподели мал проблем со системот.

Hey @elonmusk you might want to have your team look into the moon tricking the autopilot system. The car thinks the moon is a yellow traffic light and wanted to keep slowing down. 🤦🏼 @Teslarati @teslaownersSV @TeslaJoy pic.twitter.com/6iPEsLAudD

— Jordan (@JordanTeslaTech) July 23, 2021

Излегува дека функцијата ја меша Месечината со жолто светло и го забавува возилото. Треба да се забележи дека тоа е екстремно жолта Месечина која е прилично спуштена.

„Тесла“ имаше доста проблеми по воведувањето на функцијата на автоматско возење, но тоа и се очекува кога се тестира нова технологија. Инженерите даваат сè од себе да ги намалат проблемите, но тоа едноставно е невозможно.

Но, добро е што компанијата прави сè за да ги поправи сите потенцијални проблеми веднаш штом ќе се истакнат. Во очекување сме да видиме како ќе се реши овој проблем.