ТРАДИЦИОНАЛЕН МАКЕДОНСКИ РЕЦЕПТ: Тавче гравче – ИДЕАЛЕН посен ручек готов за ПОЛА ЧАС!

Овој македонски специјалитет е совршен избор за ручек. Посен е, многу вкусен, а се подготвува навистина брзо. Станува збор за традиционално тавче гравче, направено од грав и ароматични зачини.

Оригинално се користи сув грав, но за да заштедите време, слободно користете грав од конзерва. Вкусот ќе остане богат, а ручекот ќе биде готов експресно. Тавче гравчето е многу заситно јадење. Често останува и за следниот ден.

Еве како да го подготвите:

Состојки:

• 1 голема конзерва бел грав (околу 800г)
• 1 голем морков
• 1 главица кромид
• 2 чешниња лук (или лук во прав)
• 2 лажици масло
• 100 мл доматно пире (пасирани домати)
• 1 лажичка мешан сув зачин (вегета)
• Сол и црн пипер по вкус
• 1 лажица благ црвен пипер
• 1 лажичка лут буковски пипер (или мелен лут пипер, по желба)

Подготовка:

1. Исечкајте ги ситно кромидот и морковот. Ставете ги да се динстаат на загреано масло. По желба, додадете го и ситно сечканиот лук да се пропржи кратко со нив.
2. Кога кромидот ќе стане стаклест, отворете ја конзервата со грав. Исцедете ја течноста до половина (оставете малку од течноста).
3. Префрлете го гравот во тавата со кромидот и морковот. Додадете ги сите зачини: мешан сув зачин, сол, бибер, благ црвен пипер и лут пипер (ако користите лук во прав, додадете го сега).
4. Додадете го доматното пире и измешајте. Оставете кратко да проврие, околу 5 минути.
5. Загрејте ја рерната на 250 степени Целзиусови. Префрлете ја смесата со грав во земјена тава или друг огноотпорен сад.
6. Намалете ја температурата на рерната на 200 степени. Печете го гравчето околу 30 минути.
7. Пред крајот на печењето, вклучете го горниот грејач на неколку минути. Печете додека јадењето не добие убава румена коричка.
8. Извадете го од рерна и оставете го да одмори неколку минути пред служење. Послужете топло, со свежа салата и леб.