Трамп го претстави Ф-47: „Најсмртоносниот авион кој некогаш сте го виделе!“

Доналд Трамп најави почеток на производство на нов борбен авион. Станува збор за авионот Ф-47 од шеста генерација.

„По мое барање, американското воено воздухопловство оди напред со првиот борбен авион од шеста генерација во светот. Тој е број шест, шеста генерација. Ништо не може да му парира. Ќе биде познат како Ф-47“, изјави Трамп на конференција со министерот за одбрана Пит Хегсет.

„Нарачавме многу. Не можеме да ви ја кажеме цената“, им рече Трамп на новинарите. „Нашите сојузници постојано се јавуваат“.

New F-47 Fighter Jet @realDonaldTrump @PeteHegseth pic.twitter.com/83245vV3i1

— Dan Scavino Jr.🇺🇸🦅 (@Scavino47) May 21, 2024

Трамп истакна дека експерименталната верзија на Ф-47 лета речиси пет години. Компанијата Боинг ќе биде задолжена за производството, пренесува CNN.

„По ригорозна и темелна конкуренција меѓу некои од најголемите американски авиокомпании, Военото воздухопловство ќе му го додели договорот на Боинг за следната генерација платформа за воздушна доминација“, објави Трамп.

Началникот на Генералштабот на воздухопловството, генерал Дејвид Олвин, рече дека оваа летачка машина е „крунскиот скапоцен камен во семејството на системи за воздушна доминација од следната генерација“. Тој додаде дека ќе помогне да се создаде „следната генерација на модерно војување од воздух“.

Кон крајот на минатата година, американското Воено воздухопловство ја паузираше одлуката за производство. Тие соопштија дека конечната одлука ќе ја донесе администрацијата на Трамп.

Програмата за следна генерација воздушна доминација (NGAD) има за цел да произведе борбен авион од шеста генерација за американската војска. Тој ќе биде понов и понапреден од Lockheed Martin F-35 Lighting II, кој се соочи со големи пречекорувања на трошоците и доцнења.

Милијардерот Илон Маск го критикуваше Ф-35. Тој наместо тоа се залага за беспилотни летала како поевтино и поефикасно оружје.