ТРГОВСКА ВОЈНА: Трамп удри по Балканот со високи царини, Македонија со 33 отсто!

НОВИ ЦАРИНИ ОД САД: Македонија со повисок данок од Хрватска, Србија со најголем удар

Со најновата одлука на американскиот претседател Доналд Трамп за воведување „реципрочни царини“, земјите од Балканот ќе се соочат со нови давачки при трговијата со Соединетите Американски Држави.

Оваа мерка е дел од планот на Трамп да воспостави царини кои ќе бидат еднакви на оние што другите земји ги применуваат за американските производи, со основна царина од 10 проценти.

Според објавените податоци, Србија ќе биде најмногу погодена во регионот со царина од 37 проценти. Веднаш по неа следува Босна и Херцеговина со царина од 35 отсто, додека Македонија ќе плаќа царина од 33 проценти.

Хрватска, како членка на Европската Унија, ќе има царина од 20 отсто. Црна Гора, Албанија и Косово ќе се соочат со најниска царина во регионот, од 10 проценти.

Интересно е што САД вовеле повисоки царини од Србија само за пет други земји во светот: Лаос (48 проценти), Мадагаскар (47 проценти), Виетнам (46 проценти), како и Шри Ланка и Мјанмар, секоја со по 44 проценти.

Планот на Трамп предвидува земјите кои имаат царини од 10 проценти за американски производи да имаат ист процент на царини за нивните производи кога се извезуваат во САД.