Три децении љубов: Билјана Дебарлиева и сопругот го прославија јубилејот (фото)

Познатата ТВ водителка Билјана Дебарлиева и оваа година го сподели со јавноста традиционалниот момент на славење на љубовта со нејзиниот сопруг Јован. Но овој октомври, парот имаше и посебна причина за прослава – јубилеј од 30 години среќен брак.

Билјана, која често ја дели својата радост на социјалните мрежи, објави заедничка фотографија на својот Инстаграм профил со едноставен, но значаен опис: „Триесет. Љубов.“

И по три децении заеднички живот, љубовта меѓу нив продолжува да блеска, а нивните насмевки ја раскажуваат приказната за една врска полна со среќа и меѓусебна поддршка.

Јован, исто така, сподели на својот профил две фотографии од семејната прослава, од кои една беше од нивниот специјален ден пред три децении, кога ветиле вечна љубов еден на друг. Со нивните најблиски и пријатели до нив, тие го обележаа овој значаен јубилеј во кругот на саканите.

„Триесет години поминаа толку брзо како да сме трепнале. Фотографиите нѐ потсетуваат на минатото, фамилијата ни ја стоплува душата, а пријателите ни ја враќаат насмевката…“ – напиша Јован во емотивната објава.

Во едно интервју за „Женски магазин“, Билјана откри како започнала нивната љубовна приказна, која и денес трае:

„Се запознавме сосема случајно во Охрид, мојот роден град. За време на летниот одмор, јас бев на гости кај моите братучетки, а тој кај своите другари охриѓани. Таа случајна средба се претвори во прекрасна приказна што трае и денес.“

Триесет години заедничка љубов, поддршка и среќа – приказна која го продолжува своето патување.