УНИВЕРЗИТЕТИ ПОД УДАР НА ТРАМП: Американскиот претседател се заканува со КАЗНИ за „незаконски протести“ во КАМПУСИТЕ!

Американскиот претседател Доналд Трамп се закани дека ќе го укине федералното финансирање на факултетите, школите и универзитетите кои овозможуваат „незаконски протести“.

– Сите федерални финансирања ќе бидат ЗАПРЕНИ за секој факултет, школа или универзитет кој дозволува незаконски протести. Агитаторите ќе бидат затворени или трајно депортирани во земјата од која дошле. Американските студенти ќе бидат трајно исфрлени или, во зависност од злосторството, уапсени. БЕЗ МАСКИ! Ви благодарам на вниманието што го посветивте на ова прашање – напиша Трамп на социјалната мрежа Truth Social.