„Уште ми фалиш“ со ново издание: Македонските дами во женска верзија на хитот на Дац и Александар

Хитот „Уште ми фалиш“ од Александар Митевски и Драган Спасов – Дац доби емоционална женска верзија во изведба на познати македонски дами. Главните вокали во оваа верзија ги носат Билјана Ѓошева и Билјана Драгичевиќ Пројковска, со придружба од Маја Гроздановска Панчева и Вера Јанковиќ.

Спотот, снимен во прекрасниот амбиент на Драмскиот театар во Скопје, претставува омаж на македонската женска сила и успех, со 32 познати и успешни жени од различни полиња на македонската култура, уметност, спорт и општество. Некои од истакнатите имиња кои учествуваат се: Зорица Каракутовска, Катерина Коцевска, Рисима Рисимкин, Виолета Томовска, Индира Кастратовиќ, Дани Димитровска, Маја Мојсова – Мијовска и многу други.

Оваа верзија на „Уште ми фалиш“ не само што донесе свежина на песната, туку и ја истакна убавината и инспиративната сила на македонските жени, правејќи ја песната уште подлабоко емотивна и значајна.