Марко Ш.
Во Колорадо Спрингс, САД, драматичен момент е фатен на камера кога возач на автобус колабирал среде возење. Двајца патници, сфаќајќи ја опасноста, брзо реагирале. Едниот веднаш се доближил до возачот за да провери дали е во ред, додека другиот скокнал напред, ја презел контролата над автобусот и со смиреност го запрел возилото, истовремено повикувајќи Итна помош.
И покрај нивната брза реакција и доаѓањето на медицинските лица, возачот за жал подоцна починал. Компанијата Mountain Metropolitan Transit, сопственик на автобусот, изрази благодарност кон двата храбри патници, истакнувајќи дека нивната брза реакција веројатно спречила уште поголема трагедија.
„Искрено им благодариме на патниците за нивното брзо размислување и реакција,“ изјави портпаролката на MTT, Елејн Шеридан. Компанијата ги повикала патниците да се јават за да им се заблагодарат и да им понудат бесплатни карти како знак на признание за нивната помош.
Херојските патници, кои го напуштиле местото пред пристигнувањето на Итна помош, остануваат неидентификувани.
