ШОКАНТНА ВЕСТ! Почина еден од најдобрите кошаркари – НБА тагува!

По тешко боледување денеска на 58-годишна возраст почина познатиот НБА кошаркар Дикембе Мутомбо, а оваа вест ја растажи целата кошаркарска јавност ширум светот.

Познатиот кошаркар почина по долга и тешка битка со тумор на мозокот.

– Почина членот на Кошаркарската куќа на славните Дикембе Мутомбо на 58-годишна возраст, како последица од рак на мозокот – напиша на социјалната мрежа „Икс“ познатиот кошаркарски новинар Шемс Чаранија.

Мутомбо помина 18 сезони во НБА, играјќи за Денвер, Атланта, Хјустон, Филаделфија, Њујорк и тогашните Њу Џерси Нетс, и се смета за еден од најдобрите блокатори во историјата на НБА.

Познатиот центар беше осумкратен учесник во ол-стар натпреварот, четири пати беше најдобар одбранбен играч во лигата, три пати беше избран за најдобар тим во лигата, а во 2015 година беше примен во Куќата на славните.

Последен пат играше во сезоната 2008/2009 и посветено работеше за хуманитарни цели.

Тој зборуваше девет јазици и ја основа Фондацијата Дикембе Мутомбо во 1997 година, фокусирајќи се на подобрување на здравјето, образованието и квалитетот на животот на луѓето во Конго.

Фондацијата изгради болница со 170 кревети во Киншаса, а таа установа лекуваше речиси половина милион луѓе без оглед на нивната способност да платат за нега.