Марко
Ако сакате да го поддржите вашиот метаболизам и да го намалите складирањето на маснотии, изборот на соодветна храна пред спиење може да направи голема разлика. Наместо да легнете гладни или да посегнете по калорични грицки, нутриционистите препорачуваат здрави и лесни оброци кои ќе го стимулираат согорувањето на калории додека спиете.
Најдобрите опции за вечера или закуска пред спиење
- Урда
Истражувањата покажуваат дека 30 грама протеини пред спиење, како што се оние од урдата, го забрзуваат метаболизмот и му помагаат на телото да согорува калории додека се одмара. Урдата е нискокалорична, богата со протеини и лесно се вари, што ја прави идеален избор за вечерен оброк. - Пилешко или варени јајца
Немасниот протеин, како пилешко или варени јајца, е одличен извор на аминокиселини кои го поттикнуваат процесот на обновување на мускулите и согорување на маснотии додека спиете. - Јаткасти плодови (бадеми или ореви)
Богати со здрави масти и протеини, бадемите и оревите помагаат да останете сити и го поддржуваат регулирањето на шеќерот во крвта. Само внимавајте на количината – една мала шака е доволна. - Тоафи или други растителни протеини
Ако сте вегетаријанец или веган, тофу или други извори на растителни протеини се одличен избор. Тие се богати со протеини и ќе ве заситат без да го оптоварат телото со непотребни калории.
Придобивки од правилната вечерна закуска
- Го забрзува метаболизмот: Протеините го стимулираат термичкиот ефект на храната, што значи дека вашето тело троши повеќе енергија за да ги вари.
- Поддршка на мускулната маса: Протеините помагаат во обновување на мускулите, што е клучно за согорување на калории.
- Контрола на гладта: Здравите масти и протеините ве заситуваат, спречувајќи да посегнете по нездрави грицки во текот на ноќта.
Што да избегнувате пред спиење
- Рафинирани јаглехидрати: Леб, тестенини, или слатки предизвикуваат нагли промени на шеќерот во крвта и можат да доведат до складирање на маснотии.
- Тешки или мрсни оброци: Овие храни го оптоваруваат дигестивниот систем и можат да го нарушат сонот.
- Кофеин и шеќер: Овие состојки можат да го спречат квалитетниот сон, што е важно за метаболизмот.
Не морате да легнете гладни за да ослабете – вистинскиот избор на храна може да го направи спротивното. Со здрави вечерни закуски богати со протеини и хранливи материи, не само што ќе го поттикнете согорувањето на маснотии, туку и ќе го подобрите квалитетот на вашиот сон.
