Ѓоковиќ ангажира моќен адвокатски тим – започнува битка што ќе го промени тенисот засекогаш

Најдобриот тенисер на сите времиња, Новак Ѓоковиќ, е познат не само по своите импресивни настапи на теренот, туку и по активностите надвор од него. Една од неговите најважни улоги е поддршката на тенисерите преку синдикатот PTPA (Асоцијација на професионални тенисери), кој го основа токму Ѓоковиќ. Сега, со нови чекори, организацијата се подготвува да се справи со еден од најголемите проблеми во тенисот – пренатрупаниот календар.

PTPA ангажира група адвокатски фирми од светски размери со цел да направат револуционерни промени во структурата на професионалниот тенис. Главниот проблем на кој се фокусираат е премногу работа и недоволни приходи за просечниот тенисер, и покрај глобалната популарност на спортот.

„Револуцијата може да започне одвнатре“, пренесува британскиот Телеграф. Иако тенисот е втор најгледан спорт во светот, веднаш по фудбалот, тој е дури на деветтото место по приходи. Според извештаите, четирите големи Гренд слем турнири обезбедуваат само 14-16% од вкупните приходи за играчите, додека кошаркарите во САД, на пример, добиваат околу 50% од заработката.

„Тенисерите имаат најмногу да загубат. Секоја нивна игра може да биде последна, а нивните кариери се кратки. Реформите се неопходни за да се заштитат правата на играчите“, изјави Насар за Телеграф.

Стефанос Циципас, еден од врвните тенисери, исто така ја поддржа оваа иницијатива. Во објава на социјалната мрежа „X“ (поранешен Твитер), тој се пожали на недостатокот на одмор поради напорните ATP и WTA календари, но подоцна ја избриша објавата, што предизвика дополнителни сомнежи меѓу фановите.

Доколку овој правен процес успее, турнири како „Шесте кралеви“ во Саудиска Арабија, каде тенисерите добиваат по 1,5 милиони евра само за учество, би можеле да бидат забранети, заедно со сите други незванични турнири.

Ѓоковиќ, како лидер во оваа борба, го насочува вниманието кон тоа како реформите во тенисот се поитни од кога било досега, и со него на чело, промените се веќе на повидок.