Југоносталгија низ бројки: Колку граѓани го сметаат распадот на Југославија за грешка?

Распадот на Југославија останува контроверзна тема децении подоцна, а ставовите за тоа се значително различни во државите што произлегоа од заедничката република. Според анкетата на веб-страницата „World of Statistics“, повеќето граѓани во некои од поранешните југословенски држави сметаат дека распадот на Југославија бил грешка.

Највисок процент на југоносталгија е забележан во Србија, каде дури 81% од испитаниците веруваат дека распадот не требаше да се случи. Во Босна и Херцеговина, 77% од граѓаните изразиле сличен став. Црна Гора, со 65%, е следна на листата, додека во Македонија 61% од населението смета дека распадот на Југославија е погрешен потег.

Меѓутоа, во државите како Словенија и Хрватска, ставовите се поразлични. Во Словенија, 45% од граѓаните се југоносталгични, додека во Хрватска тој број е значително помал – само 23%. На Косово, распадот на Југославија речиси и не се смета за грешка; само 10% од граѓаните изразиле жалење за него.

Овие бројки ја отсликуваат различната перцепција во регионот, покажувајќи дека распадот на Југославија е комплексно прашање, со длабоки историски и културни разлики меѓу поранешните републики.

Percentage of people who thinks the collapse of Yugoslavia was a mistake:

🇷🇸 Serbia: 81%
🇧🇦 Bosnia and Herzegovina: 77%
🇲🇪 Montenegro: 65%
🇲🇰 North Macedonia: 61%
🇸🇮 Slovenia: 45%
🇭🇷 Croatia: 23%
🇽🇰 Kosovo: 10%

According to Gallup

— World of Statistics (@stats_feed) October 30, 2024