10 Последици кај луѓето поради растењето во токсична семејна средина

Растењето во токсична средина може да има огромни последици, кои личноста ќе ги чувствува и покажува дури и кога ќе порасне.

Неретко луѓето кои пораснале во токсична семејна средина прават непромислени работи, имаат проблеми со самодовербата и остануваат во токсични врски, без разлика колку им штетат.

Вo продолжение погледнете 10 карактеристики на луѓето кои се последица од растење во таква средина:

Секогаш ги ставаат туѓите потреби пред своите

Ако детето било сведок на многуте караници на родителите, со текот на времето ќе почне да ги потиснува своите потреби. Ова ќе стане уште поизразено ако родителите ги дискутирале брачните проблеми со детето, па дури и го терале да заземе страна.

Поради ваквите ситуации, детето ќе почне да мисли дека неговите потреби се неважни, и истиот начин на размислување ќе продолжи и кога ќе порасне.

Одбираат токсичен партнер

Бидејќи пораснале во токсична средина, за овие луѓе е нормално да имаат токсичен партнер. Односно, тие сметаат дека е нормално да имаат партнер кој не ги почитува, па дури и партнер кој ги малтретира, бидејќи таков бил односот на нивните родители.

Лесно избувнуваат и се однесуваат лошо кон другите

Ако родителите се однесувале лошо кон своето дете, најверојатно кога ќе порасне и тоа ќе се однесува така. Детето секогаш го следи примерот на родителите, па ако тие му викале, го казнувале без причина, не ја почитувале неговата приватност и слично, голема е веројатноста детето да се однесува исто кон саканите кога ќе порасне.

Не можат да ги искажат своите чувства

Растењето со строги родители може да ги натера децата да ги потиснуваат нивните емоции. Ако детето било критикувано секојпат кога ќе покаже каква било емоција, нормално е да почне да ги крие емоциите и да продолжи со тоа дури и кога ќе порасне.

Ги обвинуваат другите за своите проблеми

Ако родителите секогаш го обвинувале детето за нивните проблеми, со текот на времето и тоа ќе почне да го прави истото. Тоа ќе сфати дека за проблемите секогаш е одговорен некој друг и кога ќе порасне и ќе се соочи со пречка, проблем или неуспех, ќе ја бара вината кај другите.

Имаат ниска самодоверба и премногу се критикуваат

Токсичните родители неретко ги нагласуваат недостатоците на детето и знаат да имаат нереални очекувања од него. Кога детето нема да ги исполни овие очекувања, го пречекуваат со низа критики и лоши зборови. Сето ова има лошо влијание врз самодовербата на детето. Кога ќе порасне, ова дете никогаш нема да биде задоволно од своите резултати и ќе има огромни проблеми со самодовербата.

Не им веруваат на другите

Ако, на пример, родителот му ветил на детето дека нема да го казни за нешто, а потоа сепак го казнува, следниот пат на детето ќе му биде тешко да му верува. Ако ова лажење се повторува често, детето нема да им верува не само на родителите, туку на сите. Кога ќе порасне, на оваа личност ќе ѝ биде тешко да им верува и на најблиските луѓе.

Неодлучни се

Ако родителот секогаш ги донесувал одлуките за детето, кога ќе порасне, тоа ќе биде неодлучна личност. Ако родителот секојпат му кажувал што да носи, што да јаде, па дури и на кој факултет да се запише, кога ќе порасне, тоа ќе биде несигурно во своите одлуки, дури и оние најмалите.

Можно е да чувствува презир кон братот или сестрата

За жал, некои родители го фаворизираат едното дете, а другото речиси целосно го запоставуваат. Во ваква ситуација, запоставеното дете речиси сигурно ќе развие аверзија кон својот брат или сестра, а овие негативни чувства можат да бидат изразени и подоцна во животот.

Страв им е од раскинување

Според некои психијатри, во токсичните семејства родителите всушност се обидуваат да го спасат бракот, иако е повеќе од очигледно дека е време да се разделат. За нив идејата за развод или раскинување е незамислива, без разлика колку е влошена ситуацијата.

Како што напоменавме, децата го следат примерот на родителите, па кога ќе пораснат, ќе се обидуваат да ја спасат дури и најлошата врска.