10 факти за Земјата што сигурно не сте ги знаеле

Низ историјата, човештвото не успеало да научи сè за нашата планета. Но фактите што се појавуваат се толку неверојатни што нè тераат да продолжиме со истражување на нашиот свет. Погледнете ги овие неверојатни факти за Земјата што веројатно ги немате слушнато.

1. Озонската дупка се намалува

Истражувањата покажале дека во 2015-та година во споредба со 2000-та година озонската дупка на Антарктикот се намалила за 4 милиони километри квадратни. Протоколот Монтреал, интернационален договор кој отстрани многу од нештата одговорни за уништување на озонот се смета како еден од најважните и најуспешните интернационални договори за околината. Научниците одамна тврдеа дека озонската дупка се намалува, но сега имаат и доказ за тоа.

2. Најниската температура измерена на Земјата е -89,44 степени Целзиусови

Температурата е измерена на студен летен ден во станицата Восток на Антарктикот, на 23-ти јули 1983-та година.

3. Пролетта патува со брзина од околу 0,9 метри во секунда

Научниците успеале да ја пресметаат оваа брзина следејќи ја брзината на цутење на разни растенија на различни територии.

4. Тиан Шан е единствената планина на која вашиот крвен притисок нема да се зголеми

Покачувањето на крвниот притисок е сосема нормална појава кај луѓето кои се качуваат на планина. Но постои само едно место на Земјата на кое не се случува ова – Тиан Шан. Ова место е рај за луѓето со висок крвен притисок. Локалните жители имаат многу понизок крвен притисок за разлика од луѓето кои живеат во рамнината.

5. Почвата на островот Кимолос содржи течен сапун

Кимолос, грчки остров во Егејското Море, има навистина интересна особина. Кога врне, островот е покриен со пена од сапун. Причината е што почвата на островот содржи глина сапун, односно природен сапун кој го употребуваат локалните жители.

6. Тектонските плочи ја штитат Земјата од прегревање

Земјата е единствената позната планета со тектонски плочи. 7 џиновски плочи (континенти) се движат во разни насоки. Благодарение на тектонскиот систем, постои циркулација на јаглерод што го спречува прегревањето на планетата.

7. Реката Амазон има подземен близнак

Хамза е неофицијална река што тече паралелно со Амазон околу 3.900 метри под земја. Долга е околу 5.000 километри и широка е 399 километри. Хамза истекува во Атланскиот Океан, длабоко под површината.

8. Суперконтинентот Пангеа повторно се враќа

Пред околу 300 милиони години, речиси целата земјена површина на планетата била еден суперконтинент наречен Пангеа. Подоцна континентот се поделил на 2 дела, и секој дел продолжил да се дели. Првиот дел биле денешните Африка, Јужна Америка, Антарктик, Индија и Австралија, а вториот Евроазија и Северна Америка. Пред околу 150 милиони година Индија се одделила од Антарктикот, а Африка од Јужна Америка. Пред 60 милиони години Северна Америка се одделила од Евроазија. Според научниците за околу 250 милиони години континентите ќе се спојат во нов суперконтинент.

9. За 25 години Антарктикот изгубил 3 трилиони тони мраз

Неодамнешните истражувања покажале дека Антарктикот изгубил 3 трилиони тони мраз за само 25 години. Во 2017 година од Антарктикот се оддели ледениот брег Ларсен С што тежи повеќе од 1 трилион тон и е половина од големината на Јамајка.

10. Големата сенка што ја покрива Земјата може повторно да се види во 2034-та година

Јапонскиот сателит Himawari 8 фотографирал необичен феномен во 2016-та година. На почетокот на планетата било ден, а потоа целата планета била покриена со огромна сенка. Видеото било направено на 9-ти март за време на соларна еклипса. Следниот пат кога ќе можете да сведочите на овој неверојатен феномен е пролетта во 2034-та година.