12 погрешни верувања за богатите луѓе

Постојат безброј негативни стереотипи за богатите луѓе – не го заслужуваат богатството, избегнуваат даноци и се алчни. Но истражувања покажуваат дека богатите луѓе не се злобни или со многу привилегии. Голем дел од нив посетувале јавни училишта или се отпишале од факултет, не сите избегнуваат даноци и не сите го наследиле богатството од родителите. Па, погледнете некои од најпознатите верувања за овие луѓе коишто се погрешни.

1. Ако сте од богато семејство, и вие ќе бидете богати

Вистина е дека децата од богатите семејства почесто завршуваат факултет и има поврзаност помеѓу можноста да бидете богати и богатството на вашето семејство. Но ова не важи секогаш. Иако „богатите деца“ имаат повеќе можности во животот, тие исто така имаат поголема можност да го изгубат наследеното богатство. Според едно истражување, 70% од богатите семејства го губат богатството во втората генерација.

2. Сите богати луѓе ги наследиле парите

Според извештај од 2016-та година, бројот на нови милијардери бил 70% од сите богати луѓе на листата. Помеѓу овие самонастанати милијардери биле Бил Гејтс, Ворен Бафет и Лери Елисон. Но овој тренд важи повеќе за американските милијардери бидејќи повеќе од половина од европските милијардери го наследиле нивното богатство.

3. Богатите луѓе не мора напорно да работат

Според податоците во книгата „Навики на богатите луѓе“ (Rich Habits) од авторот Томас К. Корли, богатите луѓе работат понапорно од сиромашните. 86% од богатите со полно работно време работеле над 50 часа неделно, додека 57% од сиромашните со полно работно време работеле помалку од 50 часа неделно. Богатите исто така поретко земале боледување и поминувале помалку време на Интернет и гледајќи телевизија.

4. Богатите никогаш не банкротираат

Ниту богатите не можат секогаш да се спасат од банкрот. Доналд Трамп прогласил банкрот 4 пати. Клучната разлика помеѓу богатите и сиромашните се лагите. Богатите луѓе, како 50 Cent кој прогласи банкрот во 2015-та година и се ослободи од него во 2017-та, обично добиваат строг финансиски план од нивните советници и не им е потребно долго да излезат од долговите.

5. Богатите луѓе се себични

Некои истражувања покажале дека богатите почесто избегнуваат даноци, почесто ги кршат законите додека возат и најчесто се посебични. Но, друго истражување од холандски научници покажало дека погрешно испратените пари или кредитни картички почесто биле враќани од богатите за разлика од сиромашните. Истражувачите заклучиле дека богатите не се посебични, туку едноставно имаат повеќе пари.

6. Нивните даноци се пониски

Според едно истражување, мнозинството возрасни мислат дека богатите плаќаат многу пониски даноци. Но податоците покажуваат дека во САД најбогатите луѓе плаќаат 45,7% од целиот приход за даноци. Данокот се зголемува со приходот.

7. Сите богати луѓе дипломирале на престижни факултети

Според едно истражување мнозинството богати луѓе се со универзитетска диплома и многумина дипломирале на познати и престижни факултети. Сепак елитното образование е навистина важно во САД, а постојат луѓе кои воопшто не дипломирале. Бил Гејтс е еден од најпознатите примери. Доброто образование е важно, но не значи дека ќе го одреди вашето богатство.

8. Милионерите се преселуваат за да избегнат високи даноци

Бидејќи правилата за данок се различни во разни држави, преселбата на милионерите не е изненадувачка. Но неодамнешно истражување покажало дека милионерите поретко се преселуваат за разлика од остатокот од населението. Иако се земени предвид намалување на даноците кога се селат, малкумина го прават тоа за да ги избегнат даноците.

9. Богатите се помалку дарежливи

Некои истражувања покажале дека сиромашните домаќинства донираат поголем дел од приходот во добротворни цели за разлика од богатите, а други покажуваат дека колку повеќе пари имаат луѓето толку повеќе донираат. Изгледа дека покрај богатството, важна улога имаат и други фактори. Најверојатно богатите и сиромашните реагираат различно на кампањите за донирање.

10. Парите не купуваат среќа

Истражување спроведено од страна на Економскиот факултет на Харвард во кое учествувале 4.000 милионери покажало дека парите се важни кога е во прашање среќата. Дури и помеѓу милионерите, оние кои имале над 10 милиони евра богатство биле посреќни од оние кои имале богатство од 1 милион. Интересно е тоа што оние коишто сами ги заработиле парите биле посреќни за разлика од оние кои ги наследиле или ги добиле по склучување брак.

11. Богатите се екстравагантни

Истражување покажало дека богатите не се толку големи трошачи колку што мислиме. 92% од богатите кои учествувале во истражувањето изјавиле дека никогаш не биле на одмор со јахта, а 87% изјавиле дека никогаш не купиле нов луксузен автомобил. 30% изјавиле дека собираат купони за попусти.

12. Невозможно е да станете богати

Најпознатото верување е дека е невозможно да станете богати ако не потекнувате од богато семејство. Но постојат многу примери за милионери кои самите ги заработиле своите пари. Немојте да се откажувате!