14 Илустрации ги прикажуваат сите типови колеги кои ги има во речиси секоја канцеларија

Во продолжение 14 илустрации кои ги претставуваат вработените во скоро секоја канцеларија – колку колеги ќе препознаете и дали можеби ќе се пронајдете самите?

Манипулатор и озборувач

Овој колега изгледа како многу пријателски настроена личност, но секогаш се обидува да ги манипулира другите. Toј е и најголемиот озборувач во канцеларијата и ги користи личните информации за манипулација.

Конзервативен

Ова е колегата кој ги мрази иновациите и промените во канцеларијата и сака да си работи по старо.

Бунтовник

Бунтовникот е колегата кој секојпат има замерка за обврските што ги добива. Најчесто користи изговори како „Тоа не е моја работа“ или „Јас не сум платен за тоа“.

Најискусен

Овој колега е убеден дека е најискусен и смета дека за сите одлуки треба да се консултирате со него, бидејќи тој најдобро ја познава компанијата.

Гребатор

Оваа личност никогаш не сака да даде пари за нечиј роденден или да ја подели сметката од деловниот ручек, но секогаш е прва кога има можност да добие нешто бесплатно.

Вечна жртва

Овој колега се жали за буквално сè, секојпат кога има можност за тоа. Обично успева да им го расипе расположението на сите во канцеларијата.

Колегата на кој постојано му е топло/студено

Во речиси секоја канцеларија има по еден колега на кој постојано му е топло, но и еден кој постојано е измрзнат. А, кога не им е погодена температурата во канцеларија, постојано се жалат за тоа.

Шегаџија

Обично овој колега секогаш е во одлично расположение и се обидува да направи шега од секоја ситуација.

Колега кој не почитува лични граници

Овој колега дефинитивно не знае што значат личните граници – влегува во просторија без да тропне, без проблеми си разгледува по туѓите фиоки, поставува премногу лични прашања, ви зборува додека разговарате на телефон…

Паразит

Секојпат кога има најмногу работа, овој колега наоѓа време за пауза. Уште полошо е што обично си ги препишува туѓите заслуги, а на другите вработени не им е јасно како уште не е избркан од работа.

Нарцис

Овој колега настојува да работи само сам, бидејќи е убеден дека е подобар од сите други. Секојпат мисли само на своите потреби, без разлика дали тоа ќе предизвика штета на колегите или компанијата.

Критичар

Ова е колегата кој е невозможно да го задоволите. Има замерка за буквално сè – од вашиот начин на работа, па сè до кошулата што сте ја облекле денес.

„Ментор“

Овој колега сака да контролира сè што се случува, па без ничија дозвола се однесува како ментор на другите и постојано им кажува што и како треба да прават.

Мрзлив

Мрзливиот колега ги остава обврските до последен момент, а неретко го прескокнува и крајниот рок. Воопшто не му е грижа како влијание ќе има тоа врз тимот или компанијата.