15 Илустрации укажуваат на нештата кои треба да престанете да ги правите во јавниот превоз

Ако не сакате другите да ве презираат или да изгледате како некултурен личност, престанете да ги правите следниве работи во јавен превоз…

Брзате да влезете без да ги пуштите другите да излезат од автобусот

Ако сте од оние кои брзаат да влезат во автобусот без да им дозволат на другите да излезат, верувајте дека сите ве презираат. Автобусот нема да ви избега ако почекате неколку секунди за луѓето да излезат од него, па нема потреба да правите турканица.

Го носите ранецот на грбот

Ако автобусот е делумно празен, тогаш нема потреба да мислите на ранецот. Но штом внатре има многу луѓе, почитувајте ги и извадете го ранецот од грбот. Вие не ни забележувате, но кога имате ранец, со секое движење ги удирате луѓето околу вас.

Стоите пред врата

Ако не се симнувате на следната постојка, немојте да ја блокирате вратата за оние кои сакаат да излезат. Ако автобусот е преполн и сепак нема каде на друго место да стоите, тогаш излезете и вие од автобусот за да направите место за минување, па вратете се внатре.

Се туркате наместо да ги замолите другите да ви направат место

Зошто да се туркате во другите кога можете културно да ги замолите да се потргнат за да поминете? Дури и ако некој стои пред вратата, немојте да бидете неучтиви и прашајте го дали ќе слегува на следната станица. Ако одговорот е не, замолете го да застанете пред него.

Ѕиркате во туѓи телефони и книги

Само затоа што некој чита книга во автобус или си го проверува телефонот, не значи дека имате дозвола да ѕиркате.

Можеби некогаш искушението е големо, но воздржете се и почитувајте ја туѓата приватност. Ако ви е тешко, запрашајте се дали вие би сакале другите да ви гледаат во телефонот или она што го читате.

Не користите слушалки

Дури и ако мислите дека имате најпрефинет вкус за музика, буквално никој во автобусот не сака да ја слуша вашата плеј-листа.

Седите со раширени нозе

Ако до вас не седи никој, слободно раширете се, но штом седиштето е зафатено почитувајте го просторот на другите и седете со собрани нозе.

Зафаќате седишта со кеси и торби

Воопшто не е во ред да терате некој да стои во автобус, само поради вашите торби или кеси. Овие работи секогаш треба да ви стојат во скутот или покрај вашите нозе.

Не сте внимателни со чадорот

Кога е врнежливо, откако ќе влезете во автобусот, немојте да го тресете чадорот. Наместо тоа собере го, притоа внимавајќи да не намокрите некого.

Зборувате гласно на телефон

Многу луѓе се чувствуваат непријатно кога се присилени да слушаат туѓи разговори и приватни детали од животот на другите, па поштедете ги од тоа.

Ова не значи дека не треба никако да зборувате на телефон, но ако не е нешто итно, завршете го разговорот што е можно побрзо и не зборувајте на цел глас.

Се навалувате на држачите

На еден вертикален држач можат да се фатат најмалку тројца, но не ако вие си се навалите на него. Секогаш имајте ги предвид и другите патници и не ги узурпирајте држачите во автобусот.

Им дозволувате на децата да се качуваат на седиштата

Вашето дете можеби не разбира, па вашата задача е да му кажете дека не треба да се качува на седишта во автобусот.

Не внимавате кога до вас има бремена жена

Бидете особено внимателни ако до вас стои бремена жена – немојте да се туркате и внимавајте да не ја удрите по стомакот. Ако седите, добро би било да ѝ го отстапите вашето место каде што ќе биде побезбедна.

Правите застој пред вратата

Немојте да правите застој пред вратата на автобусот и извадете си ја автобуската картичка пред да влезете внатре. Ако плаќате со телефон, дајте им предност на другите за да не правите застој пред вратата.

Фрлате ѓубре во автобусот

Во некои автобуси има корпа за отпадоци, но ако нема, нема да ви се случи ништо лошо ако го почувате ѓубрето во рака за да го фрлите надвор во корпа.