8 Видови на луѓе кои ви ја разнишуваат самодовербата и како да се справите со нив

Погледнете кои видови луѓе ви ја рушат самодовербата и како да се справите со нив…

Песимисти кои секогаш го очекуваат најлошото

Воопшто не е лесно да се справите со песимист – штом ќе му кажете за некоја цел, тој веднаш ќе најде најмалку една причина поради која вашиот план нема да успее. Проблемот е што овие луѓе го гледаат негативното во буквално секоја ситуација. Дури и ако им кажете дека веќе сте успеале во замисленото, тие ќе ве предупредат дека нешто сигурно ќе тргне на лошо.

Бидејќи со песимист никогаш нема да излезете на крај, најдобро е со нив да не ги споделувате вашите планови, желби, цели и слично.

Луѓе кои оставаат навредливи коментари онлајн

Навредливите и коментарите полни со омраза се сè почеста појава на социјалните мрежи, најмногу поради анонимноста што ја нуди интернетот. Неретко луѓето кои пишуваат вакви коментари намерно ве провоцираат за да започнат караница. Проблемот е што додека нив можеби им е забавно, лошите зборови сигурно ќе имаат некакво негативно влијание врз вас.

Во овој случај, најдоброто за вас е целосно да ги игнорирате овие коментари. Ако станува збор за коментари на ваша објава, слободно избришете ги и заборавете на нив.

Луѓе кои ве обвинуваат за сè

Сосема во ред е некоја блиска личност да ви ги посочи грешките, но не за да ве повреди, туку со цел да ви помогне да поработите на нив. Но, ако станува збор за личност која постојано ве обвинува за сè и сешто, дури и нејзини проблеми, голема е веројатноста да почнете да се чувствувате виновно и лошо.

Во овие ситуации не заборавајте дека најверојатно станува збор за личност со ниска самодоверба, на која ѝ е тешко да се соочи со сопствените пропусти и грешки. Воопшто не се обидувајте да им удоволите на овие луѓе, бидејќи никогаш нема да успеете во тоа. Ако ова однесување се повторува често, размислете дали воопшто треба да се дружите со таа личност.

Луѓе кои сакаа да ве „заштитат“

Во овој случај личноста, без разлика дали партнер или пријател, ќе се обидува да ги контролира вашите постапки и да донесува одлуки наместо вас, наводно со цел да ве заштити.

Неретко овие луѓе користат манипулација за да ве натераат да го направите она што сакаат тие, притоа убедувајќи ве дека само сакаат да ве заштитат или дека ви го мислат најдоброто.

Ако сте со ваков партнер, добро размислете дали навистина се обидува да ве заштити или само сака да ве контролира. Потоа размислете дали заслужувате да бидете во таква врска. Истото важи и за односот со пријателите.

Луѓе кои постојано ве споредуваат со другите

За жал, ова однесување неретко е присутно кај родителите. Ако, на пример, детето добие послаба оценка, родителот веднаш го споредува со неговото другарче кое добило добра оценка. Но, ова споредување може да се случува и со партнер, пријатели, колеги…

Бидејќи не можете да го контролите однесувањето на другите, немојте да „наседнувате“ на овие споредби и не дозволувајте тие да ја одредуваат вашата вредност, ниту да ви ја срушат самодовербата.

Луѓе кои бараат совршенство

Перфекционистите ќе ви ги посочуваат и најмалите грешки и никогаш нема да бидат задоволни од она што сте го направиле. Тие секогаш ќе имаат огромни очекувања од вас, а вие колку и да се обидувате, никогаш нема да ги достигнете.

Затоа, штом забележите дека некој критикува сè што правите, најдобро игнорирајте го.

Луѓе кои ве озборуваат и критикуваат

Воопшто не е лесно да чуете лоши гласини за себе, особено ако не се вистинити. За жал, постојат многу луѓе кои озборуваат и ако се најдете на нивна мета, не заборавајте дека најчесто тоа е од љубомора.

Ако не сте ѝ згрешиле ништо на личноста, но таа сепак ве озборува, голема е веројатноста дека ви љубомори за нешто. И во овој случај, игнорирајте ги озборувања и критиките и држете се понастрана од таа личност.

Луѓе кои ве презираат

Некои луѓе, пак, уживаат да ги омаловажуваат другите и секогаш ги потценуваат и ги гледаат со презир. Сигурно сте сретнале ваква личност барем еднаш во вашиот живот.

Обично овие луѓе се убедени дека вредат повеќе од другите, без разлика дали поради изглед, кариера, пари или нешто друго. Но неретко, причината за ова однесување е нивната ниска самодоверба. Поради бројните несигурности, тие ги омаловажуваат другите околу нив и покажуваат доминантност, со надеж дека ќе им ја разнишаат самодовербата.

И во овој случај имајте предвид која е причината за однесувањето, но и дека вие дефинитивно не вредите помалку од таа личност. И, нормално, не дозволувајте ова однесување да влијае врз вас и вашата самодоверба.