9 Неверојатни и забавни факти за Филипините за кои можеби не сте чуле

Филипините, или Република Филипини е островска држава во југоисточна Азија, која има околу 100 милиони жители. Ова е држава со богата историја и култура, а тамошните жители ги „бие глас“ дека се едни од најпозитивните и најучтивите луѓе на светот.

Филипините се и популарна туристичка атракција, најмногу поради неверојатните пејзажи, а многумина останале восхитени и од тамошната храна.

Во продолжение можете да дознаете нешто повеќе за оваа необична држава:

На островите се зборуваат речиси 200 јазици

Филипинскиот и англискиот се официјалните јазици на островите, но тамошните жители зборуваат околу 180 други јазици. Повеќето се малајско-полинезиски јазици, а се зборуваат и неколку варијации на шпански, кој извесен период бил и официјален јазик на островите.

Филипините се вториот најголем архипелаг во светот

Бидејќи целата држава е составена од острови, Филипините се вториот најголем архипелаг во светот. Државата ја сочинуваат околу 7.500 острови, од кои населени се само околу 2.000. Поголемиот дел од островите немаат ни име на светската карта.

Кошарката и боксот се најпопуларните спортови

Филипинците се „луди“ по кошарка и бокс, истовремено се и горди на нивните достигнуваа во овие спортови. Еден од најпознатите и најдобрите боксери во светот, Мени Пакјао, потекнува од Филипините, а додека беше поактивен, на Филипините речиси и да немало личност која не го следи преносот од натпреварот.

Овде се наоѓаат некои од најголемите трговски центри во светот

Филипинците се вљубени во трговските центри и на островите се наоѓаат три од најголемите трговски центри во светот.

Најголемиот трговски во државата е SM City North Edsa, кој е деветтиот најголем во светот. Зафаќа површина од 498.000 метри квадратни, а внатре има околу 800 продавници и ресторани.

Главна религија е христијанството

Повеќето Филипинци се христијани, односно околу 80% од нив се католици, а околу 8% православни. Втората најголема религија на островите е исламот – 5,6% од населението се муслимани. Религиите на домородното население, кои се практикувале уште пред да „пристигнат“ исламот и христијанството, ги практикуваат околу 2% од населението.

Главниот град е помеѓу првите најгусто населени градови во светот

Манила, главниот град на Филипините е помеѓу првите на листата на најгусто населени градови во светот. Во градот живеат околу 14 милиони жители, односно 42.857 жители на километар квадратен.

На Филипините се праќаат најмногу СМС пораки

Филипините се нарекувани и „главен град на СМС пораките“, бидејќи кон крајот на 90-тите тамошните жители испратиле повеќе пораки од кој било на планетата. Дури и денес, бидејќи им е поевтино од користење интернет, Филипинците рушат рекорди со СМС пораките – испраќаат околу 400 милиони пораки секојдневно.

Жителите се многу учтиви

Филипинците се навистина учтиви луѓе и скоро секогаш на странците им се обраќаат со госпоѓо/госпоѓице или господине, без разлика на возраста на соговорникот. Сепак, помладите жители им се обраќаат на врсниците со зборови кои можат да се преведат како „брат“ или „сестра“.

Овде многу се почитуваат и старите лица, а за нив, заедно со бремените жени и лицата со попреченост, секогаш има посебни редици во банки и слично.

Тајфуните се честа појава

Скоро секоја година Филипините се опустошени од тајфуни. Во 2013-та жителите се соочија со еден од најлошите тајфуни во историјата на островите – катастрофа во која загинаа најмалку 6.100 луѓе.