9 Неверојатни факти за Словенија кои најверојатно не сте ги знаеле

Како европска земја, Словенија не е многу поразлична од Македонија, но постојат забавни детали од секојдневието на тамошните жители кои сигурно ќе ве изненадат.

Дел од нив во продолжение:

Пчеларството е многу важен занает

Словенците се свесни за важноста на пчелите, па пчеларството е доста распространет занает. На некој начин, пчеларството е дел и од нивната традиција.

Тие имаат и Ден на пчелата кој го прославуваат на 20 мај – денот кога е роден познат словенечки експерт за пчели кој живеел во 18-тиот век.

Имаат забавен карневал со застрашувачки костуми

Еден од најпознатите карневали во Словенија се нарекува Kurentovanje кој трае 10 дена, а почнува да се прославува 57 дена пред католичкиот Велигден.

Оние кои се дел од карневалот носат костуми украсени со волна. Тие имаат и ѕвончиња со кои прават голема врева со цел да ја избркаат зимата.

Имаат остров за исполнување желби

Во езерото Блед во Словенија има мало островче на кое е сместена црква во која има ѕвоно.

Според старите верувања, ако си замислите желба и го заѕвоните ѕвоното, желбата ќе ви се исполни.

Островчето е популарна атракција не само поради интересното верување, туку и поради уникатниот изглед.

Можете да купите млеко од автомати

Во Љубљана можете да си купите млеко од автомати. Наводно, идејата зад ова е фармерите да можат да го продаваат млекото без да треба да го носат низ маркети.

Словенците се грижат за природата

Во 2016 година Љубљана беше прогласен за најзелената престолнина во Европа, а за целата земја неретко се вел дека е една од најодржливите држави во светот.

Словенците се особено внимателни кога станува збор природата и екологијата, а овие признанија само го потврдуваат тоа.

Покрај тоа, околу 60% од површната на Словенија се покриени со густи шуми, а Словенците навистина сакаат да минуваат време во природа.

Словенците се вистински авантуристи

Со години Словенците го восхитуваат светот со неверојатните подвизи на нивните луѓе.

На пример, алпинистите Андреј и Марија Штремфељ се првиот брачен пар кој ја освоил Монт Еверест. Даво Карничар, пак, е првата личност која се спуштила од врвот на истата планина со скии.

Бенка Пулко е првата жена во светот која ги пропатувала сите континенти со мотор, како и првата жена која сама ја поминала Саудиска Арабија.

Словенецот Мартин Стрел е првиот човек кој ја препливал реката Амазон.

Potica е словенски десерт во форма на куглоф кој се прави за празници и важни настани. Во десертот најчесто се додаваат ореви и лешници.

Словенците сакаат логорски огнови

На 1-ви мај, Словенците имаат прослава позната како Kresovanje. За време на прославата, локалците се собираат и прават огромен логорски оган околу кој јадат, танцуваат, пијат и се забавуваат.