10 Неверојатни теории на заговор за Антарктикот

Антарктикот е опкружен со мраз и теории на заговор, нешто што не е необично за најоддалеченото и најмалку разбраното место на Земјата. Овде е невозможно да живеете без соодветна опрема и местото станало совршен кандидат за теории на заговор. Од вонземјани и чудни пирамиди, па сè до тајни воени бази, погледнете некои од најинтересните теории на заговор што кружат за Антарктикот.

1. Некои древни цивилизации изградиле пирамиди на Антарктикот

Во 2016-та година, целиот Интернет полуде кога на Антарктикот беа откриен пирамиди. Пирамидите се со височина од над 1.220 метри, односно 10 пати повисоки од Големата пирамида во Гиза. Ова беше навистина чудно, бидејќи досега не е пронајден никаков дока дека овде постоела некаква цивилизација. Покрај тоа, овие масивни зданија би барале многу ресурси и работна рака.

Сепак, ова не ги спречи љубителите на заговори да веруваат дека пирамидите се изградени од цивилизација која живеела на Антарктикот, пред 100.000 милиони години. Наводно, овој период Антарктикот бил екваторот, па условите за живеење биле подобри.

Научниците сметаат дека пирамидите се дело на природата. Градбите сигурно не се дело на древна цивилизацијата бидејќи пред 100 милиони години, Антарктикот бил Јужниот Пол. Исто така, првите човечки видови се појавиле пред околу 2 милиони години.

2. Нацистите имаат тајна база на Антарктикот

Оваа теорија се прославила откако некои луѓе откриле дека нацистите организирале експедиција до Антарктикот во 1938-ма година. Наводно, додека биле таму, тие откриле неколку подземни пештери и реки, а најголемата пештера ја претвориле во таен град каде што живееле со Илуминатите. Некои луѓе тврдат дека Хитлер избегал во оваа тајна база, откако ја изгубил војната. Верниците исто така тврдат дека нацистите некако нашле вонзејманска технологија што ја искористиле за нивни оружја.

Во реалноста, нацистите немаат тајна база на Антарктикот. Не постојат докази дека правеле оружје со вонзејманска технологија, ниту пак дека го тестирале. Тие испратиле само еден брод во регионот во 1938-ма година за да најдат нови ловишта за китови. Експедицијата била напуштена по крајот на Втората светска војна.

3. Атлантида се наоѓа под Антарктикот

Некои луѓе тврдат дека познатата Атлантида се наоѓа токму овде. Оваа идеја се појавила во 1950-тите, откако историчарот професор Чарлс Хапгуд предложил дека Антарктикот е дом на некоја неоткриена древна цивилизација. Верувањето на Чарлс е засновано на теоријата дека Антарктикот не бил под мраз пред 11.600 години. Некои луѓе го прифатиле ова како вистина, и додале дека најверојатно станува збор за изгубената Атлантида.

4. Правоаголните ледени брегови биле изградени од вонземјани

Научниците го открија постоењето на чудни, речиси совршени правоаголни ледени брегови на Антарктикот. Најчесто тие се огромни и понекогаш видливи од вселената. Овие ледени брегови повеќе изгледаат како да се направени од човек наместо од природата, но сепак, тие се природни и настануваат кога дел од ледениот брег ќе се открши.

Според некои луѓе, овие ледени брегови се направени или од луѓе, или од вонземјани. Некои веруваат дека станува збор и за владини установи. Наводно, овие форми се многу ретки во природата, но научниците истакнале дека не сите рабови на ледените брегови се совршени.

5. На Антарктикот се срушил НЛО

Постојат луѓе кои се познати како „ловци на вонземјани“ и тие тврдат дека нашле докази за срушен НЛО на Антарктикот. Тие дошле до овој заклучок откако анализирале сомнителна трага што ја нашле на Google Earth. Трагата започнува од место кое наликува на срушен планински врв, па наводно, леталото удрило во врвот пред да се сруши. Геолозите не се согласуваат и тврдат дека трагата е од лавина.

6. Кратер на Антарктикот е влез кон внатрешноста на Земјата

Во јануари 2019-та година, научниците од НАСА и Германскиот вселенски центар откриле кратер под мразот на Антарктикот. Иако за кратерот се зборуваше дури неодамна, прв пат бил откриен од сателитски фотографии во 2006-та година. Научниците веруваат дека настанал од астероидите кои ја удриле Земјата пред милиони години и ги уништиле диносаурусите.

Но верниците во теории на заговор не се согласуваат. Тие сметаат дека кратерот е дел од тајната воена база на нацистите. Други веруваат дека кратерот бил откриен за време на мисија на маринците на САД, кои имале за цел да го најдат влезот во Земјата.

7. Гугл знае нешто за Антарктикот што ние не го знаеме

Во март, 2018-та година, на канал за теории на заговор на Јутјуб се појави видео со тврдење дека Гугл крие некои тајни за Антарктикот од нас. Наводно, вработен во Гугл се обидува да ни го открие вистинскиот заговор зад ова. Сопственикот на каналот изјавил дека секогаш кога разгледува локација над Антарктикот на Google Earth, се појавувал црвен икс, но само кога ја активирал опцијата за временски услови. Тој верува дека причината за ова е тоа што вработен во Гугл сакал да ни покаже што се крие таму. Според видеото, овде најверојатно имало некое тајно богатство, вонзејманска база, а можеби е и само грешка од Гугл.

8. Два кратери се влез за тајна НЛО база

Покрај брегот на Антарктикот има два длабоки кратери кои изгледаат како да се ископани од некој. Некои луѓе веднаш изјавиле дека тоа се влезови за тајни владини установи или нешто слично. Наводно, на оригиналната фотографија од кратерите се гледало НЛО, кое сега било избришано.

9. Антарктикот не постои

Постои чудна теорија на заговор според која целиот Антарктик и Јужниот Пол не постојат. Ова верување е најчесто кај луѓето кои веруваат во рамна Земја. Тие сметаат дека Северниот Пол е центарот на светот, додека Јужниот ја обиколува Земјата.

Според овие луѓе, Антарктикот е всушност дебел ѕид со висина од 30 до 60 метри што ја опкружува планетата. Тие тврдат дека не можеме да го докажеме ова, бидејќи светските власти и Обединетите Нации имаат стриктни забранети зони за надлетување и пловење околу Антарктикот.

Луѓето кои веруваат во оваа теорија сметаат дека британскиот капетан Кук е еден од првите кои го виделе ѕидот, покрај владините агенти. Наводно, тој изјавил дека виделе голем ѕид за време на 3-те негови патувања до Антарктикот.

10. Нацистите криеле НЛО на Антарктикот

Уште една теорија на заговор во која учествуваат нацистите тврди дека тие криеле НЛО на Антарктикот. Оваа теорија е поврзана и со пирамидите што ги споменавме претходно. Верниците се убедени дека нацистите управувале НЛО за време на Втората светска војна и дека британските сили неуспешно се обиделе да ја уништат базата. Наводно, успеале да ја уништат со атомска бомба, а во меѓувреме нацистите уништиле авион на САД за време на операцијата.

Проблемот со оваа теорија е што нацистите никогаш немале интерес за Антарктикот, а таканаречената операција за нивно отстранување од тајната НЛО база била всушност воен тренинг за симулација на инвазијата на студениот Советски Сојуз. Во тренингот учествувале 13 бодови, 33 авиони и 4.700 војници. Покрај тоа, атомската бомба беше детонирана 2.400 километри подалеку.