Медицински лица кои деноноќно се борат со коронавирусот покажаа како им изгледа лицето поради маските и измореноста

Голем број доктори и медицински сестри без прекин работат за да им помогнат на заболените од коронавирусот во Вухан, Кина. Сите тие мораат да носат заштитна опрема – маски и очила – за да не бидат и самите заразени од смртоносниот вирус. Некои од нив ги завршуваат смените преспивајќи на болничкиот под или на столица пред повторно да се вратат на работа.

Фотографии на кои здравствени работници си го покажуваат лицето станаа вирален хит на социјалните мрежи. Модринки, исеченици, рани и вдлабнатини може да се видат на нивната кожа поради предолгото носење на очила и маски, како и поради преголемата измореност и стресот.