19 Интересни факти за Тувалу, државата која наскоро ќе биде под вода

Тувалу е островска држава која се наоѓа во Тихиот Океан, сместена помеѓу Хавајските Острови и Австралија.

Со површина од 26 километри квадратни, ова е една од најмалите држави во светот и има околу 12.000 жители. Тувалу има и многу мала надморска височина – едвај 5 метри – па ако се покачи нивото на вода во океаните, државата најверојатно ќе исчезне.

Погледнете неколку интересни факти за оваа држава, нејзините жители и нивниот тамошен живот:

1. Европејците ја откриле Тувалу во 1568-ма, кога на нејзиното копно стапнал Алваро де Мендања од Шпанија. На тамошниот јазик, зборот „тувалу“ значи „осум заедно“ бидејќи од деветте островчиња што ја сочинуваат државата, во минатото биле населени само осум.

2. Долг период, Тувалу беше британска колонија и ја доби својата независност дури во 1978 година. Денес Тувалу е уставна монархија и кралицата Елизабета сè уште се смета за монарх на островите.

3. За центар на Тувалу се смета атолот Фунафути и овде живее околу половина од населението.

4. Во оваа држава нема политички партии, ниту постојана војска, но има многу ниска стапка на криминал.

5. Ова е една од најсиромашните држави во светот, но и покрај тоа, овде народот не е соочен со немаштија, глад, ниту пак со некои сериозни социјални проблеми.

6. Островската држава е навистина сиромашна со природни ресурси и околу 15% од населението работи настрана – обично како капетани на бродови. Државата најчесто добива пари од издавање дозволи за риболов, регистрација на бродови под нивното знаме, но добива помош и од други држави. Истовремено, Тувалу не заработува речиси ништо од туризмот.

 

7. Туваули има само еден аеродром кој се наоѓа на Фунафути. Аеродромот го сочинуваат само една мала градба и една писта.

8. Веќе напоменавме дека државата не заработува речиси ништо од туризмот, веројатно бидејќи овде има многу малку хотели. Ако побарате транспорт од аеродромот до вашиот хотел, голема е веројатноста да ве однесат пеш.

9. Еден од хотелите е сместен веднаш до аеродромот, но тоа не е никаков проблем за гостите – авионите овде се вистинска реткост. Но, областа околу аеродромот неретко се користи како собиралиште за луѓето, а доста често децата таму играат фудбал.

10. На речиси сите островчиња од државата се наоѓаат мали продавници, од кои може да се купи конзервирана храна и ориз. Тие имаат и јавно место, познато како falekaupule, или „соба за состаноци“, каде што се дискутираат важни работи, се прославуваат венчавки и слично.

11. Улиците во Тувалу биле асфалтирани дури во средината на 2002 година. Во целата држава, има само 8 километри асфалтиран пат.

12. Населението во Тувалу е измешано – околу 90% се со полинезиско потекло, а мал процент од населението има потекло од Микронезија. Официјалниот јазик е тувалскиот, но доста често се користи и англиски.

13. Образованието во Тувалу е бесплатно и задолжително за деца од 6 до 15 години. Секој остров има свое основно училиште, но има само едно средно. Воглавно, околу 99% од населението е писмено.

14. Семејствата во Тувалу следат навистина интересна традиција – секое семејство има salanga, или задача која мора да ја изврши за доброто на целото општество. На пример, некои семејства ловат риба, а некои се градители. Најчесто овие вештини, или задачи, се пренесуваат од колено на колено.

15. Танцувањето и музиката се важен дел од тувалунската култура, а еден од најпознатите танци е наречен fatele.

16. Тувалу има и национален фудбалски тим кој не е дел од FIFA, туку само е член на Фудбалската конфедерација на Океанија. Државата има учествувано и во летните Олимписки игри во 2008, но не освоија ниту еден медал. Досега се немаат натпреварувано во зимските Олимписки игри.

17. Спомнавме дека Тувалу е сиромашна со природни ресурси – почвата е неплодна и не е погодна за никаква агрикултура. Истовремено, овде речиси и да нема диви животни, па за месо се одгледуваат свињи. Населението доста чест консумира и морска храна, како ракови и риби.

18. Во државата постои и недостаток од свежа вода – овде нема езера и реки, па во минатото се копале бунари. За жал, сега повеќето бунари се загадени од канализацијата, па жителите собираат дождовница.

19. Најголемата опасност со која се соочува државата е зголемување на нивото на водата во океаните. Научниците предвидуваат дека за 50 до 100 години, овие острови нема да бидат погодни за живеење. Наводно, веќе се прават планови за преместување на населението кога ќе дојде време за тоа, а предвид се земени држави како Нов Зеланд, Фиџи и Австралија.