Дворец во долина на вилите: Шармантното романско село создадено како за одмор од бајките

Се прослави со својот уникатен изглед налик на куќичките од бајките, а околната природа која што долината ја прават да изгледа многу зелена, планините и жуборот на реката само го прават повпечатливо и похармонично.

Доколку патот ве носи од Темишвар кон Брашов или Букурешт, тогаш треба да направите пауза во местото Castelul de Lut Valea Zanelor – нема да зажалите.

Неговото име во превод значи „Дворец од глина во Долината на вилите“.

Станува збор за еко-село и мал дворец кој што е сместен во романската долина во познатиот регион Трансилванија недалеку од реката. Еднаш кога ќе ги видите фотографиите оттаму, нема никогаш да ги заборавите.

Изграден е од глина и песок, а со својот облик потсетува на куќичките од хобитите или пак на оние кои што ги гледаме во бајките.

Иако изгледа како спомен од минатото, сепак неговата историја не е долга. Имено, него го основало романско семејство кое што било презаситено од градскиот метеж.

Инспирација пронашле во своето сопственио дете, но исто така и во прекрасната природа која што го обиколува тоа место. Сè започнало во 2015-та година, а тајната на издигнувањето на дворецот ја чуваат за себе.

Дворецот има приземје и прв кат, десет соби, две кули и дури 50 прозорци.

Надворешниот дел е преуреден во тераса на која што се послужува храна, а во близина се наоѓаат и неколку продавници за сувенири.