Многумина мислат дека е дело на Фотошоп: „Закривениот“ стаклен мост на 140 метри висина е чудо на архитектурата

Иако за многумина „никнал“ преку ноќ, мостот всушност се градел од 2017 година. Долг е 100 метри, а се издигнува на максимална висина од 140 метри.

Мостот Руји во долината Шенџијанџу во кинеската провинција Жеџијанг стана вистински хит на социјалните мрежи.

Поради единствениот дизајн многумина помислуваат дека не е реален туку „плод“ на нечиј труд на Фотошоп.

Но, овој стаклен мост кој што е составен од три дела навистина е реален.

Откако е отворен во септември 2020 година за јавноста го посетиле околу 200.000 Кинези.

Највисокиот дел од мостот е всушност високиот лак до чиј врв водат скали.

Името, но и обликот го добил по истоимениот церемонијален жезол кој што во кинеската култура е знак за моќ и среќа.

Необичната метална структура на мостот ја проектирал Хе Јунчанг кој што го потпишува дизајнот на Националниот стадион во Пекинг, а кој уште се нарекува и „Птичјо гнездо“.

Како изгледа кога ќе прошетате по мостот Руји погледнете во видеото: