Првиот ноќен клуб во Велика Британија повторно се отвори со забава за 6000 луѓе без маски и никакви мерки

Илјадници млади доброволци ги фрлија маски и се фрлија на забава за прв пат од почетокот на пандемијата. Во петокот и саботата, вкупно 6.000 млади луѓе беа охрабрени да „заборават на Ковид“ за време на пилот-вечерите на клубот. Без маски и без никакви мерки, за прв пат по 14 месеци.

Забавата се одржа во легендарниот ноќен клуб „The Circus“ во Ливерпул.

Целта на овој експеримент е научниците да можат да видат дали и како мешањето на народот и танцувањето во затворено го зголемува ризикот од пренесување на Ковид-19.

Присутните на настанот се гушкаа и се бакнуваа, некои седеа качени на рамениците на другите за подобро да ја гледаат сцената.

Се надеваме дека резултатите ќе бидат негативни за ковидот, а позитивни за човештвото.