Остатоците од нечија ракета удрија во Месечината и направиле нов кратер

Речиси еден месец научната и пошироката јавност ја следеше ситацијата  за остатоците од ракетата која денеска требаше да ја погоди Месечината. Прво беше објавено дека се работи за остатоци од ракета на Спејс Икс, но подоцна се дозна дека се работи за остатоци од кинеска ракета. Но, Кинезите тврдат дека тоа не е нивна ракета.

Кој и да ја испукал дотичната ракета, очигледно не размислувал што ќе се случи со нејзините останки. Научниците долго време предупредуваат на растечкиот проблем со вселенскиот отпад што се акумулира во орбитата на Земјата, но и околу неа, бидејќи човештвото лансира се повеќе ракети, сателити и други вселенски летала во вселената.

Just over half an hour ago humanity accidentally made a new crater on the far side of the moon.

The culprit is most likely an abandoned stage of a Chinese rocket from 2014. It’s a good reminder to not just throw your unwanted tools any old place.

📷 https://t.co/dZSv5GenMW pic.twitter.com/5xGwQrY6fn

— Dr Michael Haslam (@twig_technology) March 4, 2022

Според астрономите кои ги следеле остатоците, не е официјално познато чии остатоци ќе удрат на Месечината. Но знаеја кога. Целиот настан требаше да се случи околу 13:25.

Дали навистина се случило, научниците не се сигурни, бидејќи местото каде што овој отпад требаше да удри на другата страна на Месечината, па на астрономите ќе им требаат недели, а можеби и месеци за да потврдат што точно се случило и каде. Тие се надеваат дека потврдата дека Месечината е побогата за еден кратер може да се добие или од вселенското летало Орбитер на НАСА или од индискиот Чандрајаан 2, кои моментално се во орбитата на Месечината.

Научниците истакнуваат дека делот кој удрил во Месечината бил тежок околу три тони и требало да удри со брзина поголема од девет илјади км/ч, по што на неговата површина би требало да се формира дупка длабока меѓу 10 и 20 метри.