14 Совети за безбедност со кои ќе ги избегнете несаканите ситуации во домот и надвор од него

Малите и големите несреќи не се предвидуваат и можат да се случат секому, па добро би било да го намалите ризикот од нив.

Нормално, не треба да бидете опседнати со безбедноста и постојано да се плашите дека ќе се случи нешто лошо, но постојат некои ситници кои е добро да ги знаете за секој случај.

Едноставни совети за безбедност со кои ќе избегнете бројни несакани ситуации:

Во домот

Гответе на ринглите кои се поназад, особено ако имате мали деца

Доволна е секунда невнимание за да го турнете тенџерето од шпоретот и целата врела храна да заврши врз вас.

Шансите да се случи нешто вакво се уште поголеми ако имате мало детенце кое од љубопитност може не сакајќи да го турне тенџерето или тавата ако на миг се тргнете од шпоретот, или пак да се изгори.

За да ги избегнете овие несреќни, најдобро е да ги користите ринглите кои се поназад.

Не мешајте избелувач со други продукти за чистење

Не е препорачливо да мешате избелувач со други средства за чистење бидејќи сепак станува збор за хемикалии кои можат да бидат штетни.

Освен ако не сте експерт за хемија, избегнувајте да мешате и други средства за чистење едни со други бидејќи некогаш може да настане опасна реакција која ќе ослободи токсични гасови.

Задолжително проверувајте го домот кога фарбате нешто

Без разлика дали ги варосувате ѕидовите или фарбате нешто друго во домот, не заборавајте да отворите барем еден прозорец.

Додека да се исушат, боите и лаковите можат да бидат многу штетни ако ги вдишете.

Не ставајте средства за чистење или што било штетно во шишиња од сок, вода и слично

Навистина е добро ако сакате да им најдете нова намена на пластичните шишиња наместо да ги фрлите, но во нив немојте да ставате ништо токсично.

Постои голема веројатност некој да се напие од тоа шише ако течноста да изгледа како сок или нешто слично, а не мора да ви кажуваме дека последиците од ова можат да бидат мошне лоши.

Користете остри ножеви

Ако користите тап нож за сечење, ќе треба да употребите повеќе сила, а со ова се зголемуваат шансите ножот да ви се лизне и да се пресечете.

На улица

Не го вадете телефонот ако некој ве праша колку е часот

Не значи дека секој што ќе ве праша колку е часот сака да ви наштети, но подобро бидете претпазливи и немојте да го вадите телефонот, особено ако сте во град или земја што не ви се многу познати.

Некогаш крадците го користат овој трик – штом ќе го извадите телефонот, брзо ќе ви го земат од рака и ќе почнат да бегаат.

Носете рефлектирачка облека навечер

Ако треба да се движите по улица или на место каде што има многу автомобили, а лошо осветлување, облечете рефлектирачка облека за возачите да можат да ве видат.

Во автомобил

Понесете резервна облека ако треба да возите неколку часа

Додека се возите во автомобил со часови, можно е да настанат секакви проблеми – од непредвидени лоши временски услови, па сè до дупната гума среде автопат.

Затоа, со вас секогаш носете и резервна облека. Во постудените месеци, препорачливо е да имате и резервна јакна и чизми.

Не ги ставајте нозете на контролната табла

Нозете секојпат треба да ви бидат спуштени на земјата.

Доволно е само едно нагло кочење за силно да си ја удрите главата од колената, па не ризикувајте.

Во природа

Секогаш носете свирче

Ако одите на планинарење или кампување, со вас секогаш носете и свирче. Во случај да се оддалечите од групата, со свирчето ќе можете да им го привлечете вниманието на другите.

Ако останете без храна, можете да јадете глуварчиња

Ако се најдете во неповолна ситуација и останете без храна во природа, никако немојте да пробувате да јадете печурки. Многу е лесно да направите грешка и да изедете нешто отровно.

Наместо тоа, глуварчето е растение што е сосема безбедно за јадење и може колку-толку да ве засити додека да добиете помош.

Ако ве касне диво животно, веднаш одете во болница

Дури и ако каснатото место е мало и сметате дека нема да ви предизвика проблеми, веднаш одете во болница доколку ве касне диво животно.

Беснилото е смртоносно заболување кое може да се пренесе од каснување од животно и затоа веднаш побарајте лекарска помош.