Татковите зборови кон зетот на свадба ги разнежнија сите: „Ако престанеш да ја сакаш…“

Едно емотивно видео од свадба брзо стана вирално, каде што таткото на невестата му се обрати на зетот пред да му ја довери својата ќерка. Со солзи во очите, татковите зборови ги трогнаа сите присутни, а барањето беше едноставно, но моќно.

„Ако еден ден твоето срце се предомисли и повеќе не ја сакаш мојата ќерка, те молам, немој да ја повредиш. Само врати ми ја назад. Само ми ја врати назад. Во ред?“ – му рече таткото, додека младоженецот уверено одговори: „Тоа нема да се случи“.

Таткото, пак низ солзи, додаде: „Мојата драгоцена ќерка е сега твоја“, пред да ги прегрне двајцата младенци.

Оваа сцена предизвика многу реакции на интернет, со коментари од жени кои имаат слични искуства, но и од оние кои го искусиле сосема спротивното. Некои го пофалија татковиот чин, нарекувајќи го пример што секој родител треба да го следи:

„Мојот татко го кажа истото пред 40 години, секој татко треба вака да ја испрати својата ќерка“, сподели една жена. Друга додаде: „Мојот татко секогаш ми вели дека не треба да трпам ништо лошо, дека секогаш ќе има место за мене и децата во неговиот дом.“

Сепак, не сите ги делат овие позитивни искуства. Некои коментари ја истакнуваат поинаквата судбина на девојките во руралните средини, каде синовите се тие што се привилегирани: „Кога се омажиш, за таткото е готово – повеќе нема враќање.“

Кој е вашиот коментар или искуство?