Ураганот Кирк се приближува до Европа: Прво предупредување, следете го неговото движење

Ураганот Кирк, кој моментално се движи низ централниот дел на Атлантикот, достигна сила од четврта категорија со максимални ветрови од околу 233 километри на час. Како што продолжува да се движи кон североисток и се приближува до Европа, се очекува дека до понеделник ќе ослабне и ќе биде спуштен на категорија 1.

Во наредните денови, ураганот Кирк ќе мине низ процес на екстратропска транзиција, при што ќе го загуби својот статус на ураган до моментот кога ќе стигне до европскиот брег, веројатно во вторник или среда. Иако постојат некои неизвесности во врска со точниот пат на движење на овој екстратропски циклон, прогнозите покажуваат дека ќе се движи преку северните делови на Европа.

Франција, Белгија, Холандија и северните региони на Германија очекуваат најсилни ветрови и обилни врнежи. Ако системот се помести малку кон север, југоисточните делови на Велика Британија исто така би можеле да бидат зафатени од поројни дождови.

Следете го движењето на ураганот Кирк

En 48 h, l'#ouragan #Kirk a faibli de 45 kt, passant de 110 kt à 65 kt d'intensité maximale, à cause du cisaillement de vent puis du survol d'eau plus froide.
La transition extratropicale est bientôt complète et il va bientôt perdre son statut d'ouragan.
Animation @eumetsat pic.twitter.com/YISuZj9ZiG

— Gaétan Heymes (@GaetanHeymes) October 7, 2024

Британската метеоролошка служба издаде жолт аларм за олуја, кој ќе биде во сила од 16 часот до полноќ, по локално време.

Предупредувањето важи за поголемиот дел од југозападниот брег на Англија, вклучувајќи ги Брајтон, Портсмут, Екзетер и Бат.

„Силни поројни дождови со грмежи ќе се движат кон север низ јужните делови на Англија и Велс подоцна во понеделник, додека преку ноќ ќе се повлечат кон север. На некои места може да паднат меѓу 20-30 mm дожд во период од 2-3 часа… Најсилните врнежи и бури би можеле да бидат придружени со град и силни ветрови“, се вели во предупредувањето од Британската метеоролошка служба, пренесува „NationalWorld“.