Денес се слават Светиот свештеномаченик Кипријан и девицата Јустина

На 15 октомври, православната црква ги чествува Светиот свештеномаченик Кипријан и Света Јустина – две значајни личности кои го дале својот живот за верата во Христа. Според преданијата, Кипријан бил роден во Картагена, но подоцна се преселил во Антиохија, каде живеела Јустина со своите родители, Едесиј и Клеодонија, кои првично биле незнабожци.

Јустина, под влијание на христијанската вера, ги обратила своите родители кон Христа и сите тројца биле крстени од епископот Оптат. Од друга страна, Кипријан бил волшебник кој се занимавал со мрачни сили и соработувал со нечистите духови.

Млад незнабожец по име Аглаид се обидел да ја заведе Јустина, занесен од нејзината убавина. Но, кога таа го одбила, тој побарал помош од Кипријан за да ја освои со магии. Кипријан се обидувал да користи зли духови за да ја натера Јустина да се вљуби во Аглаид, но не успеал, бидејќи Јустина со молитви и силата на крстот успевала да ги одбие духовите.

Оваа немоќ пред верата го навело Кипријан да ја сфати моќта на Христијанството и самиот да се крсти. Со тек на време станал презвитер, а подоцна и епископ. Нивната приказна завршува трагично – поради нивната вера, двајцата биле обвинети и мачени, за на крајот да бидат убиени со меч во Никомидија, кон крајот на 3 век.

Светиот ден на Кипријан и Јустина е ден на сеќавање за нивната посветеност и вера, кои и покрај искушенијата и опасностите, останале цврсти во својата љубов кон Господ.