Лидија Кочовска со трогателна објава за мајка си: „Многу ми фалиш, мамче“

Познатата македонска пејачка Лидија Кочовска не може да ја сокрие својата болка по загубата на мајка си, легендарната Невена Кочовска. Честопати споделува емотивни објави на социјалните мрежи, изразувајќи колку многу ѝ недостига.

„Многу ми фалиш, мамче“, напиша Лидија на Инстаграм, отворено покажувајќи ја својата тага за својата мајка, која го посветила животот на музиката и сцената.

 

View this post on Instagram

 

A post shared by Lidija Kocovska ♋️ (@lidijamagnifico)

Животот на Невена Кочовска: Легенда на македонската сцена

Невена Кочовска беше истакната членка на ансамблот „Мањифико“, каде што долги години го воодушевуваше публиката со своите интерпретации на мексиканска и шпанска народна музика. Со својот извонреден талент и уникатен глас, остави неизбришлив траг во музичката историја на Македонија.

Ансамблот „Мањифико“ настапуваше пред светски лидери, меѓу кои и Јосип Броз Тито, и одржа над 3.700 концерти во повеќе од 30 земји. Нивната хуманитарна активност е особено запаметена, бидејќи организираа 42 концерти за помош на Скопје по разорниот земјотрес во 1963 година.

Тешката болест на Невена Кочовска

Невена долго време се борела со Алцхајмеровата болест, која не само што го промени нејзиниот живот, туку и животот на нејзиното семејство. Сестрите Лидија и Тања зборувале за тежината на тоа кога мајка им ги заборава нивните имиња или не го препознава својот сопруг Панче, но и покрај тоа, нејзиниот мајчински инстинкт останал непоколеблив.

Со нејзиното заминување, Лидија и нејзиното семејство изгубија не само мајка, туку и вистинска музичка икона.