Огромен питон проголтал цел елен – научниците во шок: „Ова руши рекорди!“

Научниците од организацијата Conservancy of Southwest Florida откриле неверојатна сцена – бурмански питон, кој е инвазивен вид на југот од Флорида, успеал да проголта целосно елен тежок околу 35 килограми, што е дури 67% од неговата сопствена тежина. Овој настан ја шокирал јавноста и експертите, кои потенцираат дека оваа сцена го илустрира огромниот предаторски капацитет на питоните и нивното влијание врз екосистемите во Еверглејдс.

Истражувањето открило дека овие питони можат да отворат вилица со дијаметар до 26 сантиметри, што е зголемување од претходните податоци од 22 сантиметри. Способноста на нивната еластична кожа и необичната структура на вилицата овозможуваат овие змии да проголтаат плен до шест пати поголем од тоа што можат други змии со слична големина.

„Присуството на овие предатори е сериозен удар за локалните животински видови,“ вели еден од биолозите, кој истакнува дека тимот веќе отстранил повеќе од 770 питони од регионот со вкупна тежина над 16.000 килограми. Инвазивните бурмански питони и натаму ја загрозуваат биодиверзноста, па научниците истакнуваат дека „никогаш не треба да се потцени способноста на овие предатори.“