„Сцени од пеколот“ во Шпанија: Поплавите однесоа над 70 животи, прогласен црвен аларм

Шпанија се соочува со една од најтешките природни катастрофи во последните 50 години, при што бројот на жртвите од катастрофалните поплави надмина 70. Во регионот Валенсија и други делови од земјата продолжува хаосот поради обилните дождови, при што над 120.000 луѓе се без телекомуникациски услуги.

Шпанскиот премиер Педро Санчез ги повика граѓаните на внимателност и вети дека ќе се обнови уништената инфраструктура. „На оние кои сè уште ги бараат своите најблиски, ви порачувам дека цела Шпанија тагува со вас“, рече Санчез во емотивно обраќање.

Меѓународна поддршка и помош

Покрај домашните служби, поддршка пристигнува од меѓународни сојузници. Португалија, Германија и Италија изразија спремност да испратат помош за справување со последиците. Според министерството за одбрана на Шпанија, над 1.000 војници се вклучени во операциите за спасување, кои користат хеликоптери и гумени чамци за да извлечат граѓани заробени во нивните домови и возила.

Spain 🇪🇸,

Rescuers frantically search for survivors after at least 64 people killed in catastrophic #Spain flooding

By 

Associated Press

Published Oct. 30, 2024

Updated Oct. 30, 2024, 10:08 a.m. ET pic.twitter.com/ZseAu2TTPF

— ibrahimKhan🇮🇳 (@IkDresses) October 30, 2024

Црвен аларм и опасност од нови бури

И покрај намалувањето на дождовите во Валенсија, областа сè уште е под сериозно предупредување поради ризик од нови непогоди. Државната метеоролошка агенција АЕМЕТ предупреди на потенцијални силни дождови во Каталонија и западна Андалузија, каде што е прогласен црвен аларм.

Шпанската влада прогласи тридневна жалост, додека погодените региони се обидуваат да се справат со последиците од разорната поплава која ги остави без домови, храна и основни ресурси.