Путин го изигра Трамп? Примирјето траеше само неколку часа!

Русија и Украина рано утрово меѓусебно се обвинија за воздушни напади. Нападите предизвикаа пожари и оштетија инфраструктура. Ова се случи само неколку часа откако претседателот Владимир Путин се согласи на ограничено примирје во војната против Украина.

Путин и американскиот претседател Доналд Трамп вчера договорија ограничено 30-дневно примирје. Примирјето се однесува на цели на украинската енергетска инфраструктура. Преговорите за поширок мировен план ќе започнат „веднаш“, соопшти Белата куќа.

Путин, објави Кремљ по долг телефонски разговор меѓу двајцата лидери, наредил на руската војска да престане да ги напаѓа енергетските објекти. Но, Путин не го прифатил поширокиот американски предлог за 30-дневен прекин на огнот. Трамп го сметаше тоа за прв чекор кон траен мировен договор.

Украинскиот претседател Зеленски се согласи на целосно 30-дневно примирје. По телефонскиот разговор меѓу Путин и Трамп, тој рече дека ќе го поддржи ограниченото примирје. Но, тој го повика светот да ги блокира сите обиди на Москва да ја продолжи војната.

„Русија во овој момент напаѓа цивилна инфраструктура и луѓе“.

Неколку часа подоцна, двете страни забележаа напади на нивна територија. „Русија во овој момент напаѓа цивилна инфраструктура и луѓе“, рече Андриј Јермак, шеф на кабинетот на украинскиот претседател, преку ноќ на комуникациската платформа Телеграм.

Kuban, the oil transshipment point "Kavkazskaya" was lit up. It is intended for transshipment of Russian oil by rail into the pipeline system of JSC "Caspian Pipeline Consortium" in the amount of 6 million tons per year. pic.twitter.com/JJELKYKySN

— Malinda 🇺🇸🇺🇦🇵🇱🇨🇦🇮🇹🇦🇺🇬🇧🇬🇪🇩🇪🇸🇪 (@TreasChest) March 19, 2025

Повеќе украински извори објавија дека Русија, набргу по разговорот Трамп-Путин, ја нападнала енергетската инфраструктура во градот Славјанск. Градот останал без струја.

Регионалните власти во Сумската област во североисточна Украина рекоа дека руските напади со беспилотни летала оштетиле две болници. Никој не е повреден, но пациентите и персоналот на болницата морале да бидат евакуирани.

Напад со повеќе од 40 дронови на Украина во часовите по разговорот Трамп-Путин

Шеесетгодишен маж е повреден, а неколку куќи се оштетени во руски напад со дронови на областа околу украинскиот главен град Киев, рече гувернерот на регионот Микола Калашник рано во средата.

Зеленски рече дека Русија лансирала повеќе од 40 беспилотни летала на Украина во часовите по повикот меѓу Трамп и Путин.

Русите тврдат дека Украинците нападнале складиште за нафта со дрон

Властите во Краснодарската област во јужна Русија рано утрово рекоа дека украински дрон предизвикал помал пожар во складиште за нафта близу селото Кавказкаја. Во пожарот, кој се проширил на 20 квадратни метри, никој не е повреден, но 30 вработени се евакуирани, објавија регионалните власти на Телеграм.

While the Russian drones attacked civilian residences and energy infrastructure in Hostomel and Sloviansk, inknown drones targeted an oil depot in the village of Kavkazskaya near Kropotkin in Krasnodar Region.

Located nearby is Kropotkinskaya oil refinery of the Caspian… pic.twitter.com/dNgIimkiDb

— Olga Klymenko (@OlgaK2013) March 19, 2025

„Работата во постројката е прекината“, додадоа властите. Рускиот канал SHOT на Телеграм објави видео од пожарот во текот на ноќта во навидум индустриска област.

Каналот рече дека станува збор за важен објект наменет за транспорт на руска нафта за извоз по железница и до нафтоводот на Каспискиот нафтоводен конзорциум (CPC). Ројтерс не можеше независно да го потврди извештајот на каналот.

Руска агенција: Суспендирани летови

Руската агенција за цивилно воздухопловство Росавијација соопшти дека ги суспендира летовите од аеродромите во Казан, Нижни Новгород и Нижнекамск. Овие градови се стотици километри источно од Москва. Причината е „обезбедување на безбедност на воздушниот сообраќај“.

Агенцијата не ја наведе причината за суспензијата. Но, по правило, ги суспендира летовите кога има извештаи за напади со беспилотни летала.