Полицајци помогнале дискотеката да работи без лиценца: Се бара притвор за седуммина!

Јавен обвинител издаде наредба за истрага против седум полицајци. Тие се осомничени за кривично дело против општата сигурност.

Како службени лица во СВР Штип и ПСОН Кочани, тие се соизвршители. Осомничените изготвиле и одобриле позитивна согласност. Така овозможиле правно лице да добие лиценца. Лиценцата била за угостителска дејност – кабаре. Но, објектот не ги исполнувал законските услови за работа.

Осомничените заедно предизвикале голема опасност за животот и телото на луѓето. Тие овозможиле кабарето да работи во лоши услови. На 16.03.2025 година во објектот избувна пожар. Починаа 59 лица, а 196 добија тешки телесни повреди.

Јавниот обвинител до судијата на претходна постапка достави предлог за притвор. Притвор се бара за сите седум лица.