Научниците неодамна беа запрепастени од откритието на бизарен древен организам, познат како Прототакситес, за кој претходно се сметаше дека е џиновска габа, но новите истражувања сугерираат дека можеби припаѓа на сосема непознат вид на живи суштества кои мистериозно изумреле пред милиони години.
Овие организми, кои живееле пред помеѓу 420 и 375 милиони години и биле првиот џиновски копнен вид на живот на Земјата, достигнувајќи висина до 8 метри и ширина околу еден метар, првпат биле откриени во 1843 година, а првично се сметало дека се стебла на гнили четинари, како што пишува „New Scientist“.
Класификацијата на овој вид била предмет на интензивни дебати, а во 2007 година, Кевин Бојс од Универзитетот Стенфорд и неговите колеги, преку анализа на јаглеродни изотопи, заклучиле дека фосилите се вид габа, бидејќи оваа хемиска анализа сугерирала дека Прототакситес земале јаглерод од други живи организми, како што прават габите, а не од јаглерод диоксид од воздухот, како што прават растенијата.
Меѓутоа, истражувањето на Корентин Лорон од Универзитетот во Единбург и неговите колеги, кое сè уште не е рецензирано, тврди дека Прототакситес воопшто не се габи, и дури одат дотаму што тврдат дека не можат да се класифицираат никаде на постојното гранче на животот и видовите на живи суштества, бидејќи истражувачите во студијата навеле дека три основни карактеристики на Прототакситес едноставно не постојат заедно кај ниту едно живо суштество. Тие заклучиле дека најдобро е да се сметаат за член на досега неопишана, целосно изумрена група на еукариоти.
Никој не знае зошто изумреле Прототакситес, но некои научници претпоставуваат дека биле надминати од габите или од експанзијата на грмушки и дрвја, а Брет Самерел од Ботаничката градина во Сиднеј изјавил дека заклучокот дека станува збор за непозната група на еукариоти создава доза на мистерија и интрига, но веројатно нема да знаеме сè додека не бидат откриени повеќе фосили или додека не развиеме нови аналитички техники.
-
La Linea v1
699 ден
559.20 ден -
Петок
699 ден
559.20 ден -
La Linea v3
699 ден
559.20 ден -
Мисли различно
699 ден
559.20 ден -
Џаст До Ит!
699 ден
559.20 ден -
Јас сум толку стар
699 ден
559.20 ден