„Малиот Херкулес“ беше најсилното дете на светот – денес има 32 години и изгледа сосема поинаку!

Дали се сеќавате на најсилното дете на светот? На почетокот на милениумот, Ричард Сандрак стана сензација и ги оставаше луѓето без зборови со својот физички изглед и сила.

На само осум години лесно подигал 100 килограми на бенч-преса и имал позатегнати стомачни мускули од Шварценегер. Што се случи со детето-чудо кое го нарекуваа Малиот Херкулес?

Купи Маица ❤

Ричард имал само две години кога со своето семејство се преселил од украинското село во Пенсилванија, каде почнал нов живот. Првпат почнал да крева тегови уште пред да тргне во училиште, по што повеќе никој не можел да го запре.

Од мали нозе бил „опседнат“ со тренинзи и развој на мускулатурата, со силна поддршка од родителите кои исто така биле спортисти. Неговиот татко Павел бил шампион во боречки вештини, а мајка му Лена инструкторка по аеробик. Додека другите деца се играле, Ричард на петгодишна возраст веќе тренирал со часови секој ден.

Изгледал како обично дете, но кога би ја соблекол маицата, луѓето останувале во шок од неговите совршени стомачни мускули. Наместо стандардните шест, тој имал осум јасно изразени мускули, на кои завидувале и возрасни бодибилдери.

Набрзо го добил и прекарот „Малиот Херкулес“. Секој ден правел по 600 склекови и стотици стомачни вежби, но неговите родители биле изложени на критики од јавноста која ги обвинуваше дека го хранат со стероиди.

Докторите биле загрижени за неговото здравје поради мал процент на маснотии во телото, што е потенцијално опасно за едно дете. Подоцна било утврдено дека родителите веројатно измислиле податоци за да ја направат приказната посензационална.

И покрај критиките, Ричард станал глобална ѕвезда. Се појавувал на натпревари, се преселил во Калифорнија, но на крајот ја напуштил кариерата во бодибилдинг. Наместо тоа, станал каскадер во Холивуд и во шоуто „Воден свет“.

Причината за неговото повлекување биле сериозни семејни проблеми. Неговиот татко Павел бил уапсен поради насилство врз мајка му, по што бил депортиран назад во Украина. Во едно интервју, Ричард открил дека тренинзите биле исцрпувачки и дека неговиот татко честопати се однесувал насилно.

Подоцна имал проблеми со депресија и алкохол, но денес живее мирен живот во Лос Анџелес со својата девојка и работи како менаџер во продажба. Вели дека е горд на минатото, но не сака да живее од старите славни денови.

„Кога ќе се сетам на сè, ми изгледа како туѓ живот. Најважно ми е што денес сум задоволен од себе“, заклучува поранешното дете-чудо.