Koj e „Романтичарот“ од истоимената турска хит-серија: Има потекло од Македонија, а бил правник

Џан, кој ја толкува улогата на истоимениот лик во хит-серијата Романтичарот, е турски актер, модел и правник, кој ги освојува женските срца на ТВ екраните и на социјалните мрежи.

Фановите на турски серии, сигурно знаат за кого станува збор, а девојките кои не се љубители на оваа ТВ програма, време е да се запознаат со еден од најзгодните турски актери.

Џан Јаман е турски актер, кај нас моментално популарен по улогата во серијата Романтичарот.

31-годишниот турски заводник има мешано потекло – неговиот дедо бил имигрант од Косово, а неговата баба потекнува од Македонија.

Тој моментално живее и работи во Истанбул, има студирано право и од 24-тата година почнал да работи во правна фирма, но не се пронашол во професијата.

Во интервју за HELLO, во 2018-та има изјавено:

„Седењето по цел ден во канцеларија со одело ми пречеше. Кога ми дадоа годишен одмор, повеќе не се вратив. Следно, пријателите ме видоа на телевизија.“

Сега работи како модел и актер, има добиено неколку филмски награди, а на Инстаграм има преку 7 милиони обожаватели.

Повеќе фотки од романтичарот Џан Јаман: